1
ယၤကိာ် 3:17
Sgaw Karen Common Bible
KSWC
ဘၣ်ဆၣ်ဒီးတၢ်ကူၣ်သ့လၢအဟဲလၢထးအံၤအဆိကတၢၢ်န့ၣ် ကဆှီဝဲလီၤ. မ့ၢ်စ့ၢ်ကီးတၢ်လၢအဒုးအိၣ်ထီၣ်တၢ်ဃူတၢ်ဖိး တၢ်မုာ်တၢ်ခုၣ်, ဒီးတၢ်သ့ကွၢ်ဆိကမိၣ်တၢ်လၢပှၤအဂီၢ်န့ၣ်လီၤ. တၢ်ကူၣ်သ့အံၤပှဲၤဒီးတၢ်သးကညီၤဒီးတၤသၣ်အဂ့ၤတဖၣ်လီၤ. ပူၤဖျဲးဒီးတၢ်ကွၢ်မဲာ်တၢ်ဒီးတၢ်ပာ်မၤအသးတဖၣ်န့ၣ်လီၤ.
2
ယၤကိာ် 3:13
ပှၤလၢသုကျါအိၣ်ဝဲတဂၤဂၤလၢအကူၣ်သ့ဒီးသ့ၣ်ညါနၢ် ပၢၢ်တၢ်န့ၣ်ဧါ. အဝဲကဘၣ်ဒုးနဲၣ်တၢ်အံၤခီဖျိအတၢ်အိၣ်မူလၢ အဂ့ၤ, ဒီးခီဖျိအတၢ်မၤအဂ့ၤတဖၣ်လၢအမၤဝဲအိၣ်ဒီး တၢ်ဆီၣ်လီၤသးဒီးတၢ်ကူၣ်သ့န့ၣ်လီၤ.
3
ယၤကိာ် 3:18
ဒီးတၢ်ဂ့ၤတၢ်ဝါမ့ၢ်တၤသၣ်လၢအဟဲကဲထီၣ်ဝဲလၢတၢ်အချံ တဖၣ်လၢပှၤမၤဃူမၤဖိးတၢ်တဖၣ်သူၣ်လီၤဖျးလီၤဝဲလၢ တၢ်ဃူတၢ်ဖိးအပူၤန့ၣ်လီၤ.
4
ယၤကိာ် 3:16
ဖဲတၢ်သူၣ်က့ၣ်သးကါဒီးတၢ်အဲၣ်လီၤသးအိၣ်ဝဲန့ၣ်, တၢ်ဖုၣ်ထံၣ်ဖုၣ်ထီ, ဒီးတၢ်အၢတၢ်သီအကလုာ်ကလုာ် အိၣ်ဝဲဖဲန့ၣ်လီၤ.
5
ယၤကိာ် 3:9-10
ပသူအီၤလၢတၢ်စံးထီၣ်ပတြၢၤပကစၢ်ဒီးပပၢ်, ဒီးပသူစ့ၢ်ကီးအီၤလၢတၢ်ဆိၣ်အၢပပှၤကညီကဒဲကဒဲလၢ အဘၣ်တၢ်တ့လီၤအီၤဒ်ကစၢ်ယွၤအက့ၢ်အဂီၤအသိး န့ၣ်လီၤ. တၢ်စံးဘျုးစံးဖှိၣ်ဒီးတၢ်ဆိၣ်အၢအတၢ်ကတိၤတဖၣ်ဟး ထီၣ်လၢအထးခိၣ်တပူၤဃီလီၤ. ယဒီပုၢ်ဝဲၢ်သ့ၣ်ဧၢ, တၢ်အံၤတကြၢးမၤအသးဘၣ်.
6
ယၤကိာ် 3:6
ဒီးပျ့ၤမ့ၢ်တၢ်လၢအလီၤဂာ်ဒီးမ့ၣ်အူလီၤ. မၤအသးဒ်ဟီၣ်ခိၣ်လၢအတတီတလိၤတဘ့ၣ်လၢအအိၣ်လၢ ပနီၢ်ခိအက့ၢ်အဂီၤတဖၣ်အကျါ, ဒီးမၤဘၣ်အၢဘၣ်သီပနီၢ် ဒီဂၤညါန့ၣ်လီၤ. ပတၢ်အိၣ်မူအကျဲဒီဘိညါန့ၣ်, ဆိၣ်ကဲၤထီၣ်ဝဲလၢမ့ၣ်အူလၢအဟဲလၢလရာ်ဒၣ်ဝဲအပူၤ န့ၣ်လီၤ.
7
ယၤကိာ် 3:8
မ့မ့ၢ်ပျ့ၤန့ၣ်ပှၤမၤဘှါအီၤတန့ၢ်ဒံးနီတဂၤဘၣ်. မ့ၢ်တၢ်အၢတၢ်သီလၢပှၤပၢၤဃာ်အီၤတန့ၢ်ဒီးလၢပှဲၤဝဲဒီး အစုၣ်အပျၢ်လၢအမၤသံတၢ်လီၤ.
8
ယၤကိာ် 3:1
ယဒီပုၢ်ဝဲၢ်သ့ၣ်ဧၢ, သုဝဲအါဂၤသုတကြၢးကဲထီၣ်သရၣ်တဖၣ် ဘၣ်. ဒ်သုသ့ၣ်ညါအသိး, ပဝဲသရၣ်တဖၣ်တၢ်ကစံၣ်ညီၣ်ပှၤဃံးဒိၣ်န့ၢ်ဒံးပှၤဂၤတဖၣ် တက့ၢ်လီၤ.