Ayat Alkitab yang Popular daripada رٛومَنْکٛعٜنْ 5

Kongsi

اَمَّا لَاوٛلْ نغٛلْ اَللَّه حٛلِّيعٜنْ يِدّٜ مَاکٛ وٛنِ، شَرٜلْ کٛ نغٛنْطٜنْ ندٜرْ حَکّٜ، اَلْمَسِيحُ مَايِي نغَمْ مٜىٰطٜنْ؞

کَمُّندٜ ندٜنْ سٜمْتِنْتَاعٜنْ، نغَمْ اَللَّه حٛلِّعٜنْ اٜ مٛ يِطِعٜنْ ندٜرْ ٻٜرْطٜ مٜىٰطٜنْ بَرْکَ رُوحُ مَاکٛ، طُمْ اٛ حٛکِّعٜنْ؞

نَاع نٛنْ تَنْ، حَا مَا اٜنْ مبٜلْمبٜلْتَ ندٜرْ تٛرَّاجِ طِ نجَرٜتٜنْ، نغَمْ اٜنْ اَنْدِ يَرُکِ تٛرَّاجِ اٜ وَدَّ مُݧَلْ؞ تٛ اٜنْ مُݧِي ندٜرْ تٛرَّ، اٜنْ کٜٻَيْ نغِکُّ طُمْ اَللَّه يِطِ، تٛ اٛ يِطِي نغِکُّ مٜىٰطٜنْ، نٛنْ وَطَيْ نغَطٜنْ کَمُّندٜ؞

نغَمْ نٛنْ، ندٜ اَللَّه وَرْتِرِعٜنْ اَادِلِعٜنْ نغَمْ اٜنْ کٛولَکٜ يٜىٰسُ اَلْمَسِيحُ، اٜنْ شِرْيٛوتِرِي اٜ اَللَّه بَرْکَ جٛومِرَاوٛ مٜىٰطٜنْ يٜىٰسُ اَلْمَسِيحُ؞ بَرْکَ مَاکٛ کٜٻُطٜنْ لَاوٛلْ حٜٻُکِ طُعُمْ شَاحُ اَللَّه طُمْ غٛنْطٜنْ ندٜرْ جٛونِ؞ طٛنْمَا اٜنْ مبٜلْمبٜلْتَ نغَمْ اٜنْ تَبِّتِنِي اَللَّه حٛلَّيْعٜنْ تٜدُّنغَلْ مُوطُمْ؞

ندٜرْ شَرٜلْ نغٜلْ تَمْڤُطٜنْ، اَلْمَسِيحُ مَايِي نغَمْ غَطٛوٻٜ حَکّٜ ندٜرْ شَرٜلْ نغٜلْ اَللَّه سُٻِ؞

ندٜ جٛونِ اٜنْ نغَرْتِي اَادِلِعٜنْ بَرْکَ پِيپَمْ اَلْمَسِيحُ، فِي ٻُرْطُمْ تَبُّتُکِ وٛنِ اٛ حِسْنَيْعٜنْ دَغَ مٛنّٜرٜ اَللَّه غَرَيْندٜ؞

نٛنْ نٛ يِمْٻٜ طُطْٻٜ نغَرْتِ غَطٛوٻٜ حَکّٜ نغَمْ نٜطّٛ غٛعٛتٛ وَݧِي کٛ اَللَّه وِعِ، نٛنْ مَا يِمْٻٜ طُطْٻٜ نغَرْتَيْ اَادِلِعٜنْ نغَمْ نٜطّٛ غٛعٛتٛ وَطِي کٛ اَللَّه يِطِ؞

اَمَّا نَاع کَنْجُمْ تَنْ، حَا مَا اٜنْ نَنَ بٜلْطُمْ نغَمْ کٛ اَللَّه وَطِ بَرْکَ جٛومِرَاوٛ مٜىٰطٜنْ يٜىٰسُ اَلْمَسِيحُ، شِرْيٛوتِرْطٛعٜنْ اٜ اَللَّه جٛونِ؞