Ayat Alkitab yang Popular daripada رٛومَنْکٛعٜنْ 12

Kongsi

تٛع اٛنْ نجَٻُ ݧُمٛ مٛوطٛنْ وَرْتَ اِرِ نغٛ يِمْٻٜ ٻٜ تٛکَّايِ يٜىٰسُ، اَمَّا اَلٜىٰ اَللَّه مٛعِّنَ جٛنْدٜ مٛوطٛنْ اٜ ݧُمٛلْ مٛوطٛنْ، نغَمْ ڤَامٛنْ کٛ اٛ يِطِ نغَطٛنْ، وَاتٛ کٛ وٛوطِ، اٜ کٛ وٜلْنَنْتَمٛ ٻٜرْندٜ، اٜ نٛ نجٛوطٛرْتٛوطٛنْ جٛنْدٜ کٜوْندٜ؞

نغَمْ مَاجُمْ بَنْدِرَاٻٜ اَمْ، نغَمْ يُرْمٜىٰندٜ مَوْندٜ ندٜ اَللَّه حٛلِّعٜنْ، اٜ مِ تٛرٛوعٛنْ، کٛکّٜىٰ اَللَّه کٛعٜ مٛوطٛنْ بٛ شَکِّرِ شِرْيَاندِ نغَمْ کُوغَلْ مَاکٛ، مبٜلْنَنَيْندِمٛ ٻٜرْندٜ؞ نٛنْ وٛنِ نٛ حَانِ مَوْنِنِرٛنْ اَللَّه؞

نَنٜىٰ بٜلْطُمْ نغَمْ کَمُّندٜ ندٜ غٛودُطٛنْ، مُݧٜىٰ ندٜرْ تٛرَّاجِ طِ نجَرٛتٛنْ، نغَطٜىٰ کَ وَطُکِ دٛعَارٜ کٛو ندٜيٜ؞

تَاع اَلُ حَلّٜىٰندٜ حٜٻَ جَالٛرْغَلْ دٛوْ مَاطَ، اَمَّا حٜٻُ جَالٛرْغَلْ دٛوْ حَلّٜىٰندٜ لَاوٛلْ وَطُکِ کٛ وٛوطِ؞

نجٛغٛوتِرٜىٰ، نغِطِندِرٜىٰ بٛ بَنْدِرَاٻٜ، کٛکّٜىٰ يِمْٻٜ مَنْغُ بٛ ٻٜ ٻُرِيعٛنْ؞

کٛلّٜىٰ يِمْٻٜ يِدّٜ ندٜ غٛونغَ؞ نغَݧٜىٰ کٛو اِرِ ندٜيٜ حَلّٜىٰندٜ، نجٛغٜىٰ کٛ وٛوطِ سٜمْبٜىٰ؞

نغَطٜىٰ کٛ مبَاوٛتٛنْ وَطُکِ تٛ طُمْ وَطٛتٛ نجٛوطٛدٛوطٛنْ جَمْ اٜ کٛو مٛيٜ؞

حِغٛوٻٜ اَمْ، تٛ طُمْ وَطَنِيعٛنْ کٛ حَلِّ، تٛع اٛنْ نغَاتَنٛ کٛعٜ مٛوطٛنْ، اَمَّا اَلٜىٰ اَللَّه وَاتَنٛوعٛنْ اٜ مٛنّٜرٜ مَاکٛ؞ نغَمْ اَايَارٜ وِعِي، ‏«‏جٛومِرَاوٛ وِعِ، ‏‹‏مِنْ وٛنِ غَاتٛتٛوطٛ، مِ وَاتٛتٛ؞›‏ »‏

تٛع اٛنْ اَلُ تٛکُّکِ جٛومِرَاوٛ مٛوطٛنْ فٜىٰوَ، اَمَّا کُوَنٜىٰمٛ اٜ ٻٜرْندٜ غٛعٛ؞

نغَمْ شَاحُ طُمْ اَللَّه حٛکِّيَمْ، اٜ مِ وِعَ کٛو مٛيٜ مٛوطٛنْ، تٛع حٛشَّ حٛورٜ مُوطُمْ کٛ ٻُرِ نٛ حَانِ؞ اَمَّا کٛو مٛيٜ فَامَ نٛ حٛشِّرِ حٛورٜ مُوطُمْ؞ کٛو مٛيٜ حٛشَّ حٛورٜ مُوطُمْ کٛ فٛتِّدِ اٜ حٛولَاکِ اَللَّه کِ اَللَّه حٛکِّمٛ؞

تٛع اٛنْ نغَاتٛ حَلّٜىٰندٜ اٜ حَلّٜىٰندٜ، اَمَّا ڤَامٜىٰ نغَمْ نغَطٛنْ کٛ کٛو مٛيٜ يِعَتَ طُمْ بٛطُّمْ؞

نجٛوطٜىٰ جٛنْدٜ جَمْ حَکُّندٜ مٛوطٛنْ؞ تٛع اٛنْ مَوْنِنْ کٛعٜ مٛوطٛنْ، اَمَّا کَوْتٜىٰ کٛعٜ مٛوطٛنْ اٜ يِمْٻٜ ٻٜ طُمْ حٛشِّ نَاع ٻٜ غٛطُّمْ؞ تٛع اٛنْ کٛشُّ کٛعٜ مٛوطٛنْ بٛ اٛنْ ٻُرِي يِمْٻٜ کٛرِيٻٜ فَامُ؞

وٛنْدٜ اَايَارٜ وِعِي، ‏«‏تٛ غَݧٛ مَاطَ اٜ نَنَ وٜىٰلٛ، حٛکُّمٛ کٛ اٛ ݧَامَتَ؛ تٛ اٜ مٛ نَنَ طٛنْکَ، حٛکُّمٛ کٛ اٛ يَرَتَ؛ نغَمْ تَا وَطِي نٛنْ، طُمْ وَرْتَيْ بٛ اَ مٛٻْتَنَمٛ دٛشّٜ حِيتٜ دٛوْ حٛورٜ مَاکٛ؞»‏

مبَرْکِطِنٜىٰ تٛرّٛوٻٜعٛنْ، مبَرْکِطِنٜىٰٻٜ، تٛع اٛنْ لَانُٻٜ؞ نَنْدٜىٰ بٜلْطُمْ اٜ نَنٛوٻٜ بٜلْطُمْ، مبٛيْدٜىٰ اٜ بٛيٛوٻٜ؞

شٜنْدِدٜىٰ کٛ نغٛودُطٛنْ اٜ يِمْٻٜ اَللَّه غِطُٻٜ وَلّٜىٰکِ، نجَٻّٜىٰ حٛٻّٜ ندٜرْ غُرٜىٰجٜ مٛوطٛنْ؞

اٜنْ نغٛودِ جٛکّٛوطٜ طُطّٜ اٜ ٻَلِّ مٜىٰطٜنْ، ندٜنْ کٛو ندٜيٜ جٛکّٛودٜ اٜ وٛودِ کُوغَلْ مُوطُمْ؞ نٛنْ مَا، کٛو ندٜ اٜنْ يِمْٻٜ طُطْٻٜ، اٜنْ نغَرْتِي بٛ ٻَنْدُ غٛعٛ نغَمْ اٜنْ کٛولَکٜ اَلْمَسِيحُ، اٜنْ فُو اٜنْ نجٛکّٛوتِرِ نٛ جٛکّٛوطٜ ٻَنْدُ نجٛکِّندِرِ؞