Ayat Alkitab yang Popular daripada رٛومَنْکٛعٜنْ 1

Kongsi

مِ نَنَتَا شٜمْتُطُمْ وَعَجِنْکِ حَبَرُ بٜلْطُمْ، نغَمْ طُمْ بَوْطٜ اَللَّه بَاوَيْطٜ حِسْنَ کٛو مٛيٜ کٛولِيطٛمٛ؞ اَرَنْدٜ طُمْ اَنْدِنِيطُمْ يَحُودَنْکٛعٜنْ، ندٜنْ سٜيْ يِمْٻٜ نَاع يَحُودَنْکٛعٜنْ؞

نغَمْ حَبَرُ بٜلْطُمْ اٜ حٛلَّ اَادِلَاکُ اَللَّه کٜٻٜتٜىٰطُمْ بَرْکَ حٛولَاکِ يٜىٰسُ تَنْ؞ نٛنْ نٛ طُمْ وِنْدِرَا، ‏«‏اَادِلِيجٛ اٛ وَطَيْ جٛنْدٜ حٛولَاکِ اَللَّه؞»‏

نغَمْ دَغَ فُطّٛودٜ تَغُکِ دُونِيَارُ، نغِکُّ اَللَّه طُمْ يِعَتَاکٜ، اٜ نجَيْرِ طُمْ وٛنِ، وَاتٛ بَوْطٜ مَاکٛ تَبِتَيْطٜ، اٜ کٛ حٛلِّ اٛ اَللَّه؞ طُمْ يِعَامَ اٜ نجَيْرِ ندٜرْ کٛ اٛ تَغِ؞ نغَمْ مَاجُمْ، يِمْٻٜ نغَلَا کٛ مبِعَ؞

کٛو ندٜ اٜ ٻٜ اَنْدِ اَللَّه، ٻٜ مَوْنِنَايِمٛ بٛ اَللَّه کٛو ٻٜ نغٜتَّمٛ، اَمَّا ݧُمٛ مَٻّٜ وَرْتِي مٜىٰرٜ، ٻٜرْطٜ مَٻّٜ طٜ مبَاوَتَا فَامُکِ غٛونغَ طٜ کٜىٰوِ ݧِوْرٜ؞

ٻٜ نغَيْلِتِ غٛونغَ اَللَّه وَرْتِ فٜوْرٜ؞ اٜ ٻٜ مَوْنِنَ کٛ تَغَا حَا اٜ ٻٜ کُوَنَطُمْ، اَمَّا اَللَّه تَغٛووٛ تَنْ حَانِ ٻٜ مَوْنِنَ؞ کَنْکٛ وٛنِ کَانُطٛ مَنْتٜىٰکِ حَا اَبَدَا!‏ اَامِنْ؞

مٛنّٜرٜ اَللَّه اٜ وَنْغَ دَغَ دٛوْ دٛوْ يِمْٻٜ ٻٜ کُلَتَا اَللَّه اٜ دٛوْ کُوطٜ مَٻّٜ کَلُّطٜ طٜ ٻٜ ݧٛعِّرْتَ غٛونغَ؞

نغَمْ نٛنْ، اَللَّه اَلِٻٜ ٻٜ تٛکَّ سُونٛوجِ مَٻّٜ شٜمْتِنِيطِ؞ رٜوْٻٜ مَٻّٜ نغَيْلِتِ کٛ طُمْ اَنْدِ، رٜوْٻٜ اٜ مبَلْدَ اٜ رٜوْٻٜ؞ نٛنْ مَا وٛرْٻٜ اَلِ کٛ طُمْ اَنْدِ، ٻٜ اَلِ وَلْدُکِ اٜ رٜوْٻٜ، سُونٛ وٛرْٻٜ نَنْغِٻٜ؞ وٛرْٻٜ اٜ مبَلْدَ اٜ وٛرْٻٜ؞ نغَمْ نٜفْنِيطُمْ طُمْ ٻٜ نغَطَتَ، ٻٜ کٜٻِ حَلْکٜرٜ نٛ حَانَنِٻٜ؞ ندٜ ٻٜ نغَݧِي ٻٜ اَنْدَ اَللَّه، اَللَّه اَلِيٻٜ ٻٜ تٛکَّ ݧُمٛوجِ کَلُّطِ نغَمْ ٻٜ نغَطَ کٛ حَانَا طُمْ وَطَ؞

اٜ ٻٜ مبِعَ اٜ ٻٜ نغٛودِ پٛيْرٜ، اَمَّا ٻٜ نغَرْتِي حَاݝَاٻٜ؞ اَللَّه تَبِتَيْطٛ حَانِ ٻٜ مَوْنِنَ، اَمَّا اٜ ٻٜ مَوْنِنَ غُنْکِيجِ غَطَاطِ ندٜرْ نَنْدِ نٜطّٛ مَايَيْطٛ، اٜ ندٜرْ نَنْدِ شٛلِّ، اٜ ندٜرْ نَنْدِ مَرْلٜ، اٜ ندٜرْ نَنْدِ کٛ دَسٛتٛو؞