Ayat Alkitab yang Popular daripada BEGGAR 27

Kongsi

Pwnbov nam doag gumsiam jignvka hoo swcwg diix-dea pwnwram nwrj gvnka hoo dvs-twwsv naleq nvka. Nyiilungv noqg nyerab swwnka, hoo nyob tulungv nam xil-paql doonka. Noqg vbw-bor aoho atwb swwnka, noqg annwg ko tuup tulungv nam xil-paql doonka. Nam beenbo nyi vxiam beenamv haanka, hoo nam lvqc cinbo nyi vxiam lvqc cignvka!”

‍Esu benum, “Mwwg eminv Jakub maas i? Mwv ngam si lwnyi dvb vm mvvpaq paku. Mwv ngoqg ko bwwtaqnam gumnam naareq gvnkun, hoo kaato, sija mwv ngoqg lvqcam hvraqb naareq gvn kuba.” Ho mwv benum, “No ngoqgab hvvminl pvol apnam lvqc dook maai yv?”

‍Ho Aisak mwwg abv mwam birwqnv hoo benum: “Kaato, diix-dea pwnwr maanbo gvdangv noqg doogwb nyitayin, doag gums dooma ko gvdangv noq gvku. Noqg lyoqr orioq hoqgv no swwtayin, hoo noqg borwg nyerab no swwtayin; hvbmabde hwdlo no nyoma twqb swwikun mwwg luukam noqg lwwpo hoqgv no tuxia tayin.”

‍Esu mwwg abam benum, “Ngoqg aba no ngam vcwr gojaqkam lvqc lo citbv? Ngam kam lvqc tvb, ngam kam, Ngoqg aba.” Hoo Esu vcjaqb sogoq banv xabnum.