Ayat Alkitab yang Popular daripada Bugna 7

Kongsi

Sa tapos sini nagtan-aw ako, kag may madamo gid nga mga tawo, nga wala sing isa nga sarang makaisip sa ila! Naghalin sila sa tagsa ka rasa, tribo, pungsod, kag linggwahe, kag nagtindog sila sa atubangan sang trono kag sang Kordero. Nagabayo sila sing malaba kag puti, kag may mga sanga sang palma sila nga ginauyatan.

Nagsinggit sila sing mabaskog: “Ang amon kaluwasan nagahalin sa amon Dios, nga nagapungko sa trono, kag halin sa Kordero!”

Kay ang Kordero nga yara sa tunga sang trono, amo ang ila manugbantay, kag magatuytoy sa ila sa mga tuboran sang tubig nga buhi, kag ang Dios magapahid sang tagsa ka tulo sang luha sa ila mga mata.”

Gani nagatindog sila sa atubangan sang trono sang Dios kag nagaalagad sa iya sa adlaw kag sa gab-i sa iya templo. Ang nagapungko sa trono magaapin sa ila sang iya presensya. Indi na sila paggutomon ukon pag-uhawon liwat. Indi na sila masunog sang adlaw ukon sang kasingkal sang init.

Ang anghel nagsiling, “Indi paghaliti ang duta, ukon ang dagat ukon ang mga kahoy, tubtob nga mamarkahan namon sang selyo ang mga agtang sang mga alagad sang aton Dios.” Kag ginsugiran ako sang kadamuon sadtong ginpangmarkahan sang selyo sang Dios sa ila mga agtang. Ang ila kadamuon, 144,000, halin sa dose ka tribo sang Israel.