Ayat Alkitab yang Popular daripada Mga Taga-Efeso 5

Kongsi

Tungod kay pinalangga kamo nga mga anak sang Dios, dapat tinguhaan ninyo nga magmanginkaangay kamo sa iya. Magkabuhi kamo nga ginagamhan sang gugma, subong nga si Cristo naghigugma sa aton kag naghatag sang iya kaugalingon nga kabuhi para sa aton, subong isa ka mahamot nga dulot kag halad nga nahamut-an sang Dios.

Gani magkabuhi kamo sing mainandamon. Indi kamo magkabuhi subong sang ignorante nga mga tawo kundi magkabuhi kamo subong sang maalam nga mga tawo. Himusli ninyo ang tanan nga kahigayunan, tungod kay malaut ini nga mga inadlaw.

Indi kamo magpahubog sang bino nga magalaglag lamang sa inyo. Sa baylo, pun-a ninyo ang inyo kaugalingon sang Espiritu. Sa inyo paghambalanay sa isa kag isa gamita ninyo ang mga pulong sang mga salmo, mga ambahanon, kag balaan nga mga kalantahon. Mag-amba kamo sang mga kalantahon kag mga salmo sa Ginoo nga may pagdayaw sa inyo mga tagipusoon. Sa tanan nga butang magpasalamat gid kamo pirme sa Dios nga Amay, sa ngalan sang aton Ginoong Jesu-Cristo.

Gani indi kamo magpakabuang, kundi tinguhai ninyo ang paghibalo kon ano ang kabubot-on sang Ginoo.

Mga bana, higugmaa ninyo ang inyo mga asawa, subong nga si Cristo naghigugma sang iglesia kag naghatag sang iya kabuhi tungod sa iya.

Kamo anay yara man sa kadudulman, pero karon kay iya na kamo mga katawhan sang Ginoo, yara na kamo sa kapawa. Gani dapat magkabuhi kamo subong nga mga anak sang kapawa.

Magpasakop kamo sa isa kag isa, tungod sang inyo pagtahod kay Cristo.

Mga asawa, magpasakop kamo sa inyo mga bana, subong nga sa Ginoo.

Pero ini para man sa inyo: ang tagsa ka bana dapat maghigugma sang iya asawa subong sang iya kaugalingon, kag ang tagsa ka asawa dapat magtahod sa iya bana.

Ang kasulatan nagasiling, “Sa sini nga kabangdanan, ang lalaki magabiya sang iya amay kag iloy, kag magahiusa sa iya asawa, kag sila nga duha mangin-isa.”

Indi kamo magpakigbahin sa mga wala sing pulos nga mga butang nga ginahimo sang mga tawo, ang mga butang nga iya sang kadudulman. Sa baylo, ipakilala sa ila nga malain ini.