Ayat Alkitab yang Popular daripada Mga Taga-Efeso 2

Kongsi

Ang Dios ang naghimo sa aton nga nangin-amo kita karon, kag sa aton paghiusa kay Cristo Jesus gintuga niya kita sa pagkabuhi agod maghimo sing maayo nga mga buhat, nga iya na nga daan gin-aman agod himuon naton.

Tungod sa daku nga kaayo sang Dios naluwas kamo paagi sa pagtuo. Indi ini paagi sa inyo nahimo, kundi bugay ini sang Dios. Wala sa inyo sang may magpabugal sini, kay indi ini bunga sang inyo kaugalingon nga mga pagpaninguha.

Pero bugana kaayo ang kaluoy sang Dios, kag daku gid ang iya gugma sa aton, nga bisan mga patay kita sa espirituhanon nga kabuhi tungod sang aton mga paglapas, iya kita ginbuhi upod kay Cristo. Paagi sa kaayo sang Dios naluwas kamo.

Sa aton paghiusa kay Cristo Jesus ginbanhaw niya kita upod sa iya sa paggahom upod man sa iya sa kalangitan.

Gani karon, kamo nga mga Hentil indi na mga dumoluong ukon mga sumalayo lang, kundi mga kasimanwa sang mga tumoluo, kag mga katapo na kamo sang panimalay sang Dios. Kamo man ginpatindog sa sadsaran nga ginpasad sang mga apostoles kag mga propeta, kag si Cristo Jesus gid mismo amo ang pamusod nga bato.