Ayat Alkitab yang Popular daripada 2 Mga Taga-Tesalonica 2

Kongsi

Indi ninyo pagtugoti nga pagadayaan kamo ni bisan sin-o sa bisan ano nga paagi. Kay ina nga Adlaw indi mag-abot tubtob mahanabo ang katapusan nga Pagribok, kag magapakita ang Isa nga Malaut nga natalana na sa impierno.

Mga kautoran, dapat kami magpasalamat sa Dios sa tanan nga tion tungod sa inyo, kamo nga ginahigugma sang Ginoo. Kay ang Dios nagpili sa inyo nga manginnahauna nga maluwas paagi sa gahom sang Espiritu agod manginbalaan niya kamo nga mga tawo, kag maluwas kamo paagi sa inyo pagtuo sa kamatuoran.

Sia magakontra sang tanan nga ginasimba sang mga tawo, kag sang tanan nga ginakabig sang mga tawo nga dios. Sia magapakataas sang iya kaugalingon sa ila tanan kag magasulod pa gani sia kag magapungko sa Templo sang Dios kag magasiling nga sia Dios!

Kabay nga ang aton gid Ginoong Jesu-Cristo, kag ang Dios nga aton Amay, nga sa iya kaayo naghigugma kag naghatag sa aton sang walay katapusan nga paglipay kag mapag-on nga paglaom, magpuno sang inyo mga tagipusoon sing kaisog kag magpalig-on sa inyo sa paghimo sa gihapon kag sa paghambal sang tanan nga maayo.

Sa sini nga kabangdanan ang Dios nagapadala sa ila sing gahom nga nagapatalang agod magtuo sila sa kabutigan.

Ang Isa nga Malaut magaabot nga may gahom ni Satanas kag magahimo sang tanan nga sahi sang di-matuod nga mga milagro, kag butig nga mga tanda, kag magagamit sang tanan nga sahi sang kalautan sa pagdaya sa mga katawhan nga indi maluwas. Malaglag sila, tungod kay wala nila ginbaton kag ginhigugma ang kamatuoran agod nga maluwas sila.

Ang Misteryoso nga Kalautan nagapanghikot na, pero ang dapat mahanabo indi pa mahanabo tubtob nga ang nagapugong sini pagakuhaon.