Ayat Alkitab yang Popular daripada 2 Mga Taga-Corinto 1

Kongsi

Magpasalamat kita sa Dios kag Amay sang aton Ginoong Jesu-Cristo, ang maluloy-on nga Amay, ang Dios nga ginahalinan sang tanan nga bulig! Ginabuligan niya kita sa tanan naton nga mga kalisdanan, agod nga paagi sa bulig nga aton nabaton sa Dios, makabulig man kita sa iban sa tanan nila nga mga kalisdanan.

Subong nga nagaambit kita sa madamo nga mga pag-antos ni Cristo, amo man paagi kay Cristo nagaambit kita sang daku nga bulig sang Dios.

Nagbatyag kami nga indi na kami makalikaw sa kamatayon. Pero natabo ini, agod indi kami dapat magsalig sa amon kaugalingon, kundi sa Dios lamang nga nagabanhaw sang mga patay.

Kay ang Dios gid amo ang nagapalig-on sang amon kag sang inyo kabuhi sa kay Cristo. Ang Dios gid amo ang nagpain sa aton, kag nagbutang sing marka sa aton nga iya kita. Sia ang naghatag sang Espiritu Santo sa aton mga tagipusoon subong nga kalig-unan sang tanan nga iya gintigana para sa aton.

Kon kami nagaantos, ini para sa pagbulig sa inyo kag para sa inyo kaluwasan. Kon kami nabuligan, ti kamo man nabuligan kag nahatagan sing kusog sa pagbatas nga may pagpailob sang amo man nga mga pag-antos nga amon ginabatas.