Ayat Alkitab yang Popular daripada Deuteronomio 5

Kongsi

“‘Tahora ang inyong amahan ug ang inyong inahan sumala sa gisugo kaninyo sa GINOO nga inyong Dios aron mabuhi kamog dugay ug magmauswagon didto sa yuta nga ihatag kaninyo sa GINOO nga inyong Dios.’

Pagkinabuhi kamo sumala sa gisugo kaninyo sa GINOO nga inyong Dios aron mabuhi kamog dugay ug magmauswagon didto sa yuta nga inyong panag-iyahon.

Ayaw kamo pagyukbo o pagsimba kanila kay ako, ang GINOO nga inyong Dios, igihan. Silotan ko kadtong nagsalikway kanako ug ang ilang mga kaliwat hangtod sa ikaupat nga kaliwatan. Apan ang nahigugma kanako ug nagtuman sa akong mga sugo, higugmaon ko hangtod sa linibo ka mga kaliwatan.

“‘Ayaw kamo pagkulit ug larawan sa bisan unsa nga atua sa langit o sa ania sa yuta o sa tubig ilalom sa yuta.

“‘Ayaw pagsimba ug laing dios gawas kanako.

“‘Ayaw pasipad-i ang akong ngalan kay ako, ang GINOO nga inyong Dios, mosilot gayod kang bisan kinsa nga magpasipala sa akong ngalan.

Magmahadlokon unta sila kanunay kanako ug magtuman sa akong mga sugo aron walay daotang mahitabo kanila ug sa ilang mga anak hangtod sa kahangtoran.

“‘Tamda ug balaana ang Adlawng Igpapahulay sumala sa gisugo kaninyo sa GINOO nga inyong Dios.

“‘Ayaw kamo kaibog sa asawa sa inyong isigkatawo o sa ilang balay o sa ilang uma o sa ilang ulipon o sa ilang kahayopan o sa bisan unsa nga ilaha.’

“‘Ayaw kamo panapaw.

“‘Ayaw kamo pagbutangbutang sa inyong isigkatawo.

“‘Ayaw kamo pagpatay.

“‘Ayaw kamo pangawat.

Hinumdomi ninyo nga mga ulipon usab kamo didto sa Ehipto ug gipagawas kamo sa GINOO nga inyong Dios pinaagi sa iyang dakong gahom. Busa gisugo kamo sa GINOO nga inyong Dios sa pagtamod sa Adlawng Igpapahulay.

Pagtrabaho kamo sulod sa unom ka adlaw lamang. Apan ang ikapitong adlaw, Adlaw nga Igpapahulay ug iya kini sa GINOO nga inyong Dios. Niining adlawa, walay magtrabaho, kamo o ang inyong mga anak o ang inyong mga sulugoon o ang inyong baka o ang inyong asno o bisan unsa sa inyong kahayopan o ang mga langyaw nga nagpuyo tipon kaninyo aron makapahulay usab ang inyong mga ulipon.

‘Ako ang GINOO nga inyong Dios nga nagkuha kaninyo gikan sa Ehipto diin kamo giulipon.