Miingon si Saul sa iyang mga sulugoon, “Pangitai ako ninyog babaye nga tigkonsulta ug mga espiritu nga akong kapangutan-an.”
Ug miingon kaniya ang iyang mga sulugoon, “Adunay tigpakigsultig mga espiritu didto sa Endor.”
Busa nagtakuban si Saul ug nagsul-ob siyag laing bisti. Sa pagkagabii, miadto siya sa Endor kinuyogan ug duha ka lalaki. Miadto sila sa tigkonsulta ug mga espiritu ug giingnan niya, “Ipakita kanako ang umaabot pinaagi sa usa ka espiritu ug paduola kanako ang espiritu sa tawo nga akong hinganlan.”