Ayat Alkitab yang Popular daripada Апостол Екъуб и тхылъ 1

Kongsi

Си къуэшхэ, фи фӀэщхъуныгъэм и щыпкъагъэр зыгъэунэху гугъуехь зэхуэмыдэхэм фыхуэзэмэ, ар гуфӀэгъуэу флъытэ, мы гугъуехьхэм фи фӀэщхъуныгъэм и щыпкъагъэр ягъэунэхуа нэужь, гугъу фехьурэ теубыдагъэ фиӀэ зэрыхъунур фощӀэри.

Ауэ фэ фщыщ гуэрым и акъылыфӀагъэ хуримыкъумэ, Тхьэм ирелъэӀу, абы акъылыфӀагъэ къритынущ. Сыт щхьэкӀэ жыпӀэмэ зыри имыгъэкъуаншэу, и гуапэу Тхьэм цӀыху псоми фӀы яхуещӀэ.

Си къуэш лъапӀэхэ, мыр зэвгъащӀэ. ДэӀуэнкӀэ хэти щӀэхыу ирехьэзыр, ауэ щӀэх иремыпсалъэ, щӀэхи иремыгубжь.

Теубыдагъэм и Ӏуэхур и кӀэм нэвгъэс, сыт и лъэныкъуэкӀи фи щыпкъагъэм щыщӀагъэ лъэпкъ хэмылъу, цӀыху нэгъэса фыхъун щхьэкӀэ.

Тхьэм и псалъэхэм федаӀуэ къудейкӀэ хъунукъым, ахэр вгъэзэщӀэн хуейщ. Армырамэ, фи щхьэр къывогъэпцӀэж.

И щыпкъагъэ гъэунэхуа хъумэ, теубыдагъэ зиӀэр гъуэгу махуэ теуващ, абы и щыпкъагъэр гъэунэхуа хъуа нэужь, езыр фӀыуэ зылъагъухэр къызэригъэгугъа мыкӀуэдыжын гъащӀэр тажэм хуэдэу Тхьэм а цӀыхум къритынущи.

Сыт хуэдэ ӀуэхуфӀри тыгъэ пэжри уафэм къох, уафэм щыӀэ нэхухэм я Адэ лъапӀэм къыбгъэдокӀ. Зэблэу жьауэхэм хуэдэу, абы зрихъуэжыркъым.

Сыт щхьэкӀэ жыпӀэмэ а псалъэхэм едаӀуэу зымыгъэзащӀэр гъуджэкӀэ зэплъыж цӀыхум хуэдэщ. Ар зоплъыжри, ӀуокӀыж икӀи и теплъэр зыхуэдэр асыхьэту щогъупщэж.

Къабзэу икӀи щыщӀэгъэнщэу Тхьэуэ Адэ лъапӀэм ухуэлэжьэныр мыращ: Гузэвэгъуэм хэхуа зеиншэхэмрэ фызабэхэмрэ ядэӀэпыкъуныр, мы дунейм щызекӀуэ бзаджагъэм мысэ уимыщӀу пэӀэщӀэ зыпщӀыныр арщ.

ЦӀыху гуэр и щыпкъагъэр зыгъэунэху гугъуехьым щыхуэзэкӀэ, «Тхьэр арщ сызыгъэунэхуу сыдезыгъэхьэхыр», жремыӀэ. Бзаджагъэм Тхьэр зыӀэпишэнукъым. Тхьэми зыри бзаджагъэ ищӀэну дишэхынукъым. Езым и хъуэпсэныгъэ Ӏейхэрщ, зыӀэпашэу икӀи зэщӀаубыдэу, а цӀыхур дэзыхьэхыр.

Къуэш тхьэмыщкӀэр Тхьэм зэриӀэтамкӀэ ирегуфӀэ.