Ayat Alkitab yang Popular daripada Maqtaeq 26

Kongsi

Nawmaf murjur jur-eu gar maqya tawvlerni, yawbeur beur-aer lof-awr, guiqlanq sharshar-aer jawr-awq. Nawmaf mrmawf-eu nuima anr-eu khawf, shiqshaq paw-aq, ghaqbyaev byaev-eu nga.”

“Ngaq-euq nuima saflar noeqshaq-eu shir shaw-iq mir-a, nawmaf heugar ngaq naeq-aer yawbeur beur-aer lof-awq.”

Aqyawf maeqhu paw uicuiv irjiv-awr, mirtsa awbyav-awr nae guiqlanq shar-eu, “NgaqDa-or! Ghaenya nar-aq, khmqmaq heukhmq, ngaq-anr nae bidzeur-ir naeqlaf-awq. Aerkhawf, ngar nuima tsaq-eu lof-aer taqbi pyeuf. Nawr nuima tsaq-eu lof-aer bipyeuf law.”

Aqjeq mirnae aernar-aq, heu-aq, dawqma sarjax yawshuif-anr taf-eu ngaq-euq shiq ma. Tsawrhaq ghawqmya ni-euq iqbax pyaeqnaeq nya’ni ngaq-euq shiq bi yoerle ma.

Aqyawfmaf dzaqluf ngae, Yeqsur, kaqmur yur-awr, Miqyaer-euq guiqlanq-anr jaceuq-euq mae. Khoernar-aq, kaqmur ngawqpyaeq-awr zaqlanr deuq-anr ciqnaeq-awr aer-eu, “Heu-aq, ngaq-euq mawrdo ma. Yur-awr dzaq-awq.”

Khoernar-aq, aqyawf, khmqmaq ciq-awr, Miqyaer-euq guiqlanq-anr par jaceuq-euq mae. Khoernar-aq, aqyawf maf-anr ciqnaeq-awr heulof-aer aernaeq-euq mae: “Nawmaf yawqghaq navluf heu dawr-awq.

Aqyawf, zaqlanr deuq jawr-eu gar ghoflar ngae, aqyawfmaf yufkhav taq-euq gar ya’mawr-awr, Beqtuvluv-anr heulof-aer aernaeq-euq mae, “Nawmaf, ngaq naeq-aer naqliq tiq laf taef-aer khawf yawbeur beur-aer maq lofcoer nya lor?

Ngar, nawmaf-anr aernaeq nyar, ngaqDa uvlanr-eu jeq-euq lafkhoer, ngar, nawmaf naeq-aer tiqkawv lof-aer aqgaf dzaruir yawshuif yadawr taf-eu arnan maq keuvlar-euq khoerkeuvni, ngar, aqgaf arsiq-euq dzaruir maqpar dawr ma.”

Khoerngae, Beqtuvluv, Yeqsur nae aqyawf-anr, “Yapoer maq doerlar-euq minav-aer, nawr, ngaq-anr maq siqnya nya laer smq pov keuvni pyaer taef-a” laer aernaeq-euq dawq khoerdawq-anr noeqdov lar-euq mae. Khoermirnae, aqyawf dov-ir-awr, nuima cawv-eu lafkhoer ngoer duidui-euq mae.

Tur-awq, le kar-eur. Hawsher-eq, ngaq-anr anqdzaq-euq ghaq oekeuv shaw-iq ngar-a.”

Khoerngae, Yeqsur, aqyawf-anr heulof-aer aernaeq-euq mae, “Nawq-euq micaer, tawvkhawv-anr soeqanr-awq. Micaer-anr kharghoe-eu tsawrhaq-aq, micaer khaeq-anr yashir taef-a.