Ayat Alkitab yang Popular daripada Maqtaeq 19

Kongsi

Yeqsur, aqyawf maf-anr haw-awr nae aernaeq-eu, “Heu-aq, tsawrhaqzaq janrnya-eu jeq maqngeur-a. Aerkhawf, Miqyaer-aq, yawqjeq navluf janrnya-eu mae.”

Tox-aer mar-iq, aqnyaf dzerzaq-aq, nyiq ghaq maqpar ngeur-aer, tiq ghaq taef mae. Khoermirnae, Miqyaer nae yurgawf-euq gar tsawrhaqzaq maq lavghawq khmq-a.”

Khoerngae, Yeqsur, aqyawf maf-anr heulof-aer aerkhof naeq-euq mae: “ ‘Ardanqbae ngae, tsawrhaqzaq-anr bae-euq ghaq, zaqyo aqli hawr-eu zaqmiq aqbur-anr bae-euq mae.’ ‘Khoermirnae, zaqyo aqli-aq, yawqha-euq aqma aqda-anr nae yaghawq-awr, yawqha-euq miqzaq naeq-aer gawf-ir-eu lafkhoer, nyiq ghaq khawf tiq ghaq taef-aer pyeuflar-eu mae’ laer boftaq-euq Yaerbof khoerdeuv, nawmaf maq guihaw-aq lor?

Khoerngae, Yeqsur aer-eu, “Zaqdeuq-anr taq lavtsoeq, ngar jawr-eu gar bilar-awq. Aqjeq mirnae aernar-aq, mqtav mirkhanq-euq lafkhoer-aq, heulof-aer ghae-eu deuq yajawr-eu mae.”

Aerkhawf, aqcawq-euq maeqhu jawr-eu tsawrhaq ghawqmya’ni, aqcawq-euq maeqnan yajawr-ir taef-a. Aqcawq-euq maeqnan jawr-eu tsawrhaq ghawqmya’ni, aqcawq-euq maeqhu yajawr taef-a.

Ngaq-euq tsawrmyanr-euq gharduq, yawqha-euq nymr, maqngeur nar-aq, maernmr, dmrma, aqma aqda, zaqmiq zaqyo, daeyar, heudeuq byaerdzae yaf-euq tsawrhaq yawqghaq navluf, khoermyav maqtser 100 bymr za-eu uqtaf, mqmaq maqbyav yarzir daef-eu jeq za taef-a.

Yeqsur, aqyawf-anr aernaeq-eu, “Nawr byan-eu tsawrhaq pyeufmawf nar-aq, ghof-ir-awr, nawr kharjav-eu jeq dawqtawvluf anqdzae-awr nae, shaq-awr zanq-eu deuq-anr birnaeq-ir-awq. Khoerlof-aer janr nar-aq, mq-euq khoertav pyurshuir myawqganq javlar taef-a. Khoernar-aq, ngaq-euq maeqnan cantae lar-awq.”

Khoerngae, Yeqsur, aqyawf-anr heulof-aer aerkhof naeq-euq mae, “Nawr aqjeq mirnae ngaq-anr muiq-eu ghaq laer kur-eu le? Miqyaer maqngeur nar-aq, yawmuiq tiqghaq-iq maqjawr-a. Miqyaer taef-aer muiq-eu mae. Aerkhawf, nawr daef-eu jeq-euq lafkhoer urlermawf nar-aq, zanrdawq khofdawq-anr mrcaw-awq.”

Ngar, nawmaf-anr par aernaeq nyar, lawtaw, aqghawf-euq lafnaq-anr urler-eu-aq, smrmuiq smrbaw deuq, Miqyaer uvlanr-eu jeq-euq lafkhoer urler-eu navmaqtser awq-eu mae.”

Ngar, nawmaf-anr aernaeq nyar, banq-awr khaqmiq sheu-euq maqngeur-eu gar nae yawqha-euq miqzaq-anr khof-awr, yawqghaq yawq-anr sheuq-eu tsawrhaq aqgeu ghaq maqkaq, zaqmiq aqbur khoerghaq-anr banq-awr joe-euq mae.”

Khoerngae, Yeqsur, aqyawf-euq zaqlanr deuq-anr heulof-aer aernaeq-euq mae, “Ngar, nawmaf-anr aqdirma-aer aernaeq nyar, smrmuiq smrbaw deuq, mqtav mirkhanq-anr urler-eu-aq shaq duidui-eu mae.