Ayat Alkitab yang Popular daripada Рим 3

Kongsi

фицики, вари гунагькрар ву, ва гьаддиз дурар Аллагьдин адлувалин багахьна деетнадар. Хъа Аллагьдин рягьимлувалилантина адмийирин гунгьар Чаина гъадагъу Иса Месигьдилантина вари халкьар, гьич саб кьимат тутрувди, Аллагьдин улихь гьякь гъахьну.

Аллагьди адмийир Чан улихь гьякь апӀура Иса Месигьдихъ хъугъбиинди. Му хъугърудариз варидариз кайиб ву, гьаз гъапиш дурарин арайиъ гьич саб фаркьвалра адар

Аллагьди Думу гъурбан гъапӀну. Дугъан ифди Дугъахъ хъугърударин гунгьар марцц гъапӀну. Адмийирин ухди гъапӀу гунгьарилан хил алдабгъну, Аллагьди Чан гьякьвал улупну. Дугъу адмийирин гунгьар аьгь дапӀну, Учв гьаму сяаьтдира гьякь вуйивал, ва Учв гьаммишандиз гьякьди гъузрувал ва дидихъди сабси Месигьдихъ хъугъру гьарсар кас гьякь апӀувал улупну.

Саб Къанундиъ айиб тамам апӀури гьич сарихьанра Аллагьдин улихь гьякь хьуз хьибдар, гьаз гъапиш, Къанундиан удубчӀвурайиб вари инсан гунагькар вуйиб улупурайиб ву.

Гирами китабариъ кӀурайиси: «Дюз вуйир гьич фужкӀа адар, фужкӀа! Гьич фужкӀа гъавриъ ахърадар. Гьич сарира Аллагь агурадар. Гьякьвалихьан вари ярхла гъахьну; гьич фужкӀа сабдизра хай вуйир дар. Гьич сарира ужʼвал апӀдар – гьич сарира, сар касдикьан!»

Фицики, учу кӀурача, адми сарун, Къанундин тӀалабариз учв мютӀюгъ шулашра-шуладаршра, чан хъугъувализ дилигну, гьякь гъапӀну.

ИкибаштӀан, даршул! Юкьуб аьтраф вари кучӀлари ацӀнашра, Аллагь аьгьтлуди гъузди, Гирами бикӀбариъ дибикӀнайиси: «Уву Яв улхбариъ гьякьди гъуздива ва Уву Яв суд апӀруган, гъалиб хьидива».