Ayat Alkitab yang Popular daripada Рим 12

Kongsi

Гъит, му дюнʼяйин гьюкмари учвʼин агъавал дарапӀри. Аллагьдин ужуб, рази ктаъру ва гьубкӀу ният фу вуш, аьгъю хьпан бадали, ичв фагьум цӀийи алапӀури, дигиш йихьай.

Гьаддиз учвуз ккарагураза, гъардшар, Аллагьдин ужʼвал бадали ичв жанар, Гьадгъаз хуш шлу марцци, чӀиви гъурбнарси, дерккай. Му Аллагьдиз фагьумлу вуйи гъуллугъ хьибди.

Умудвалиъ шадди, бедбахтвалариъ сабурлуди, ккарагбариъ мюгькамди гъузай.

Писвал увʼин гъалиб хьуз мигъитан, думу ужʼвали ккапӀ.

Чвйирси чиб-чпи ккун апӀинай. Гьарсари жвувазтӀан чиб-чпиз артухъ гьюрмат апӀинай.

Гъит, ичв масанвал кӀваантӀан вуйиб ибшри. Писвал ккун мапӀанай, ужувлахъ хъачӀарккай.

Учвхьан шлубкьан варидарихъди мясляаьтниинди яшамиш йихьай.

Аьзиз дустар, хъял алдабгъбахъ махьанай, хъял алдабгъуб Аллагьдин ихтиярнаъ гъибтай. Фицики Гирами китабариъ дибикӀна: «Хъял алдабгъувал Йиз ляхин ву. Узу жаза тувдиза» – кӀура Агъайи.

ТӀагъру дарди, юкӀв хъади лихури, рюгь гьевеслуди Агъайин гъуллугънаъ йихьай.

Аллагьди узуз вакилвал багъиш дапӀнайиган, узу учвуз варидариз кӀураза: учву ичв вуйидартӀан артухъ заанди мидисанай, учвуз гьарсариз Аллагьди туву хъугъувализ дилигну, фурс ктарди гъузай.

Писвализ писвалиинди жаваб мутуванай. Варидариз ужʼвал апӀури гъузай.

Чиб-чпихъди албагну яшамиш йихьай. Фурс мукубчӀванай. Аьжузарихъди дуствал апӀуз нач мапӀанай. Жвувкан заанди фикир мапӀанай.

Гьамдин ерина, «эгер яв душмандиз гашди аш, уьл тув дугъаз. Эгер думу дахаргну аш, шид тув. Эгер уву гьамци апӀури гъашиш, думу начʼвалиан йикӀиди».

Учвухъ хъергнайидариз ужувлар ккун апӀинай. Ужувлар ккун апӀинай, люкьнар – ваъ. Шадлударихъди шад йихьай. Ишурайидарихъди ишай.

Аллагьдин адмийириз читинвалариъ кюмек апӀинай. Хялар кьабул апӀури гъузай.

Ихь беден гизаф паярикан вушра, вари паяри саб ляхин апӀурадар. Гьаци ухьура вари Месигьдихъди саб беден вуди, дидин паяр вухьа.