Ayat Alkitab yang Popular daripada Коринф-1 6

Kongsi

Учвуз ичв беден Аллагьдихьан учвуъна дуфнайи Гирами Рюгь яшамиш шулайи хал вуйибдикан хабар адарди анчвуз дарш? Сарун учву ичвдар дарчва, гьаз гъапиш учву зурба кьиматнахъ гъадагънайидар вучва. Гьаддиз, ичв жанариинди Аллагь за апӀинай!

Учвуз чӀур гъахьи касариз Аллагьдин Паччагьлугъ ирсди дурубкьруваликан аьгъдарди анчвуз дарш? Лигай гьа, учву ичв учвуз кучӀлар апӀрубси дарибшри! Кьяппйириз, идолариз икрам апӀрудариз, дугъри дару жиларизна хпариз, жилир жилирихъди гъярудариз, тӀафлариз, тямягькрариз, пиянисккйириз, футна дабгърудариз, кучӀляхяриз Аллагьдин Паччагьлугъ ирсди рубкьидар.

Кьяппавалихьан гьергай! Адмийи, кьяппавал ктарди, фу гунагь гъапӀишра, думу гунгьин дугъан бедендихъди фукӀара дар, хъа кьяппавал апӀурайири, чан бедендиз къаршуди гунагь апӀура!

Учву кӀурачва: «Узуз вари апӀуз ихтияр азуз!» Аммаки вариб хайирназ дар! «Узуз вари апӀуз ихтияр азуз», хъа гьич сабдира йиз зиин агъавал апӀуз гъитну ккундар!

Аллагьди Агъа Чан кьувватниинди чӀиви гъапӀну ва ухьура чӀиви апӀиди.