Ayat Alkitab yang Popular daripada Коринф-1 12

Kongsi

Гьарсар адмийиъ Гирами Рюгь, вардиз кайи ужʼвал бадали, ачмиш шула.

Гьаци вуйиган учву вари сабси – Месигьдин беден вучва. Учву гьарсар Дугъан бедендиъ пай вучва.

Эгер саб пайназ аьзият каш, вари паяризра аьзият кади шулу. Эгер саб пайназ гьюрмат апӀураш, дидихъди вари паярира шадвал хъапӀри шулу.

Сар адмийиз Рюгьну фагьумлувал айи гаф тувра; тмунуриз гьадму Рюгьну аьгъювалар айи гаф тувра; шлиз-вуш гьадму Рюгьну хъугъвал тувра; шлиз-вуш гьадму Рюгьну уьзрар сагъ апӀувал тувра. Сарсануриз – аьламатар улупру кьувват; гьатмунуриз – пайгъамбарвалин гаф; шубурпириз – рюгьяр жара апӀуз шлувал; гьатмунуриз – гьар жюре чӀалар, гьаккмунуриз – гьадму чӀалариинди гъапибдин гъавриъ ауз шлувал.

Мурар вари – гьадму сар Рюгьнан ляхнар ву. Гьаму багъишар Дугъу гьардиз Чаз ккуниси тувру.

Беден пай дархьуз, ухьу ухьʼинди чиб-чпин гъайгъушнаъ духьну ккунду.

Гьар жюре багъишар а, хъа дурар вари гьадму сар Рюгьну туврайидар ву. Гьар жюре гъуллугъ апӀувалар а, хъа ухьу варди гьадму сар Агъайиз гъуллугъ апӀурахьа. Гьар жюре ляхнар а, хъа вари ляхнар ухьуъ варидиъ артмиш апӀурайир гьадму сар Аллагь ву.

Хъугърударин арайиъ Аллагьди саспидар Месигьдин вакиларди, саспидар пайгъамбрарди, саспидар мялимарди дерккну. Дугъу гьацӀариз аьламатар улупуз шлу кьувват, гьацӀариз – сагъ апӀру, гьацӀариз – касибариз кюмекар апӀру, гьацӀариз – гьякимвал апӀру, гьацӀариз жара чӀалариинди улхру багъишар тувну.

Фицики беденра саб пайнакан дубхьнадар, хъа гизафдарикан.

Бедендиъ лазимсузди гьисаб апӀру паяр, лигуруш, варитӀан лазим вуйидар ву.

Эгер вари беден саб улкан ибарат вуйиш, дидиз фици ебхьидийи? Хъа эгер вари беден иб вуйиш, диди ниар фици аьгъю апӀидийи? Аммаки Аллагьди бедендиъ гьарсаб пайназ, Чаз ккуниси, чпин йишвар улупну. Вари саб пай вуйиш, беден наънан хьибдийи?