“ᓄᐎᒡ ᒋᑭ ᐅᔅᑖᐱᓈᐙᐤ ᒌᔨᐙᐤ ᐐᔓᐙᐎᓐ ᑳ ᒋᔅᑯᑎᒫᒑᔮᒄ ᑭᔮᐦ ᒌᔨᐙᐤ ᐹᕆᓰᒡ᙮ ᐋᐅᒄ ᒌᔨᐙᐤ ᑳ ᐊᔨᒥᐦᐋᐦᑳᓱᔮᒄ᙮ ᒫᔮᐦᒄ ᐱᒋᔅᑎᓂᒑᐎᓂᔨᐤ ᒋᔖᒥᓂᑑᐦ, ᓈᔥᒡ ᔮᒀᐦ ᒋᓈᓈᑭᒋᐦᑖᓈᐙᐤ ᑖᓐ ᐋ ᐄᔑ ᐱᑯᓵᔨᐦᑖᑯᓯᔮᒄ ᒑ ᐄᔥᐱᔥ ᐱᐦᒀᓂᒧᐙᒄ ᓂᓈᐦᑭᐤ ᓂᐦᑖᐅᒋᐦᒋᑭᓂᔥ ᑳ ᓂᐦᑖᐅᒋᐦᑖᔮᒄ ᒧᔮᒻ ᐊᓂᐦᐄ ᒥᓂᑦ, ᑎᓪ ᑭᔮᐦ ᑰᒥᓐ ᑳ ᐃᔑᓂᐦᑳᑖᐦᒡ᙮ ᒥᒄ ᒫᒃ ᓂᒧᐃ ᒥᑐᓐ ᒋᑎ ᐃᔮᐱᑖᔨᐦᑎᒥᐦᐄᑯᓈᐙᐤ ᐊᓂᐦᐄ ᑳ ᒋᔅᑎᒋᑖᑯᐦᒡ ᒋᔅᑯᑎᒫᒑᐎᓐ ᐊᓂᑖᐦ ᐐᔓᐙᐎᓂᐦᒡ ᑳᐦ ᐋᔨᒨᑖᐦᒡ, ᒸᐦᒡ ᑯᐃᔅᒄ ᑎᐹᔅᑯᓂᒑᐎᓐ, ᒋᔅᑎᒫᒑᔨᒧᐙᐎᓐ ᑭᔮᐦ ᑖᑆᐅᒑᔨᐦᑖᑰᓰᐎᓐ᙮ ᐋᐅᒄ ᐆ ᓃᔥᑎᒻ ᔮᔨᑖ ᒋᐱᐦ ᐐᐦ ᐄᔑ ᓂᓈᑭᑎᐙᔨᐦᑎᒥᐦᐄᑯᓈᐙᐤ ᒑ ᒌᐦ ᑐᑎᒫᒄ ᑭᔮᐦ ᒫᒃ ᒑ ᒌ ᐱᐦᒀᓂᒧᐙᒄ ᒋᔖᒥᓂᑑᐦ᙮