Ayat Alkitab yang Popular daripada ರೋಮ್ 9

Kongsi

ಆನಗುಂಡ್, ಒರ್ ಮನುಷ್ಯ ಆಸೆ ಪಡುವಗುಂಡೋ ಅಥವ ಪ್ರಯತ್ನ ಮಾಡ್‍ವಗುಂಡೊ ಅದ್ ಆಪುಲೆ, ಆಚೇಂಗಿ, ಕನಿಕರ ಕಾಟುವ ದೇವಡಗುಂಡ್ ಮಾತ್ರ ಆಪ.

ದೇವ ಮೋಶೇನ ನೋಟಿತ್: ನಾಕ್ ದಾಡ ಮೇಲೆ ಕನಿಕರ ಕಾಟ್‍ವಕ್ ಕುಶಿಯುಂಡೋ, ಅಂವೊಂಡ ಮೇಲೆ ಕನಿಕರ ಕಾಟ್‌ವಿ, ದಾಡ ಮೇಲೆ ಕನಿಕರ ಕಾಟ್‍ವಕ್ ಕುಶಿಯುಂಡೋ, ಅಂವೊಂಡ ಮೇಲೆ ಕನಿಕರ ಕಾಟ್‍ವೀಂದ್ ಎಣ್ಣ್‌ಚಿ.

ಅನ್ನನೆ ಆಚೇಂಗಿ ಮನುಷ್ಯ! ದೇವಕ್ ವಿರೋದವಾಯಿತ್ ತಕ್ಕ್ ಪರಿಯುವಕ್ ನೀನ್ ದಾರ್? ಒರ್ ವಸ್ತು, ಅದ್‍ನ ಮಾಡ್‌ನಂವೊನ ನೋಟಿತ್, ನೀನ್ ಎನ್ನಂಗ್ ನನ್ನ ಇನ್ನನೆ ಮಾಡಿಯಾಂದ್ ಕ್‍ೕಪದ್ ಸರಿಯಾ?

ಆನಗುಂಡ್, ದಾಡ ಮೇಲೆ ಕನಿಕರ ಕಾಟ್‍ವಕ್ ಅಂವೊಂಗ್ ಕುಶಿಯುಂಡೋ, ಅಂವೊಂಡ ಮೇಲೆ ಕನಿಕರ ಕಾಂಬ್‌ಚಿಡ್‌ವ. ದಾಡ ಹೃದಯತ್‍ನ ಗಟ್ಟಿಮಾಡ್‌ವಕ್ ಚಿತ್ತ ಉಂಡೋ ಅಂವೊಂಡ ಮನಸ್ಸ್‌ನ ಗಟ್ಟಿಮಾಡ್‌ವ.

ಒರ್ ಕುಂಬಾರಂಗ್, ಒರೇ ಕೊಜೆ ಮಣ್ಣ್‌ಲ್, ಒರ್ ಪಾತ್ರತ್‍ನ ಗನಪಟ್ಟ ಉಪಯೋಗಕಾಯಿತು, ಇಂಞೊರ್ ಪಾತ್ರತ್‍ನ ಸಾದಾರಣ ಉಪಯೋಗಕಾಯಿತು ಮಾಡ್‌ವಕ್, ಆ ಕುಂಬಾರಂಗ್ ಮಣ್ಣ್‌ರ ಮೇಲೆ ಅದಿಕಾರ ಇಲ್ಲೆಯಾ?