Ayat Alkitab yang Popular daripada ರೋಮ್ 15

Kongsi

ಪವಿತ್ರಾತ್ಮತ್‍ರ ಶಕ್ತಿರಗುಂಡ್ ನಿಂಗಡ ನಿರೀಕ್ಷೆ ಬಲ್ಯದಾಪಕಾಯಿತ್, ನಿರಿಕ್ಷೇರ ದೇವ, ನಂಬಿಕೇರ ಮೂಲಕ ಕ್‍ಟ್ಟುವ ಎಲ್ಲಾ ಕುಶೀರಗುಂಡ್ ಸಮಾದಾನತ್‍ರಗುಂಡ್ ನಿಂಗಳ ದುಂಬ್‌ಚಿಡಡ್.

ದೇವಡ ವಾಕ್ಯತ್‍ರಗುಂಡ್ ಕ್‍ಟ್ಟುವ ಪೊರುಮೆ ಪಿಂಞ ಸಮಾದಾನತ್‍ರ ಮೂಲಕ ನಂಗ ನಿರಿಕ್ಷೇಲ್ ಇಪ್ಪಕಾಯಿತ್, ಮಿಂಞಲೇ ದೇವಡ ವಾಕ್ಯತ್‍ಲ್ ಒಳ್‍ದಿ ಬೆಚ್ಚದೆಲ್ಲ ನಂಗಕ್ ಒರ್ ಬೋದನೆಯಾಯಿತ್ ಬೆಚ್ಚಿತುಂಡ್.

ನಂಗಕ್ ಪೊರುಮೆ ಪಿಂಞ ಪುರ್‌ಡ್ ಕೊಡ್‍ಪ ದೇವ, ಕ್ರಿಸ್ತ ಯೇಸುಕ್ ತಗ್ಗಿತ್ ನಡ್ಂದಂಡ್ ಒರೇ ಮನಸ್ಸ್ ಉಳ್ಳಯಿಂಗಳಾಯಿತ್ ಇಪ್ಪಕ್ ನಿಂಗಕ್ ಸಹಾಯ ಮಾಡಡ್. ಅನ್ನನೆ ನಿಂಗ ಒರೇ ಮನಸ್ಸ್‌ಲ್ ಒರೇ ಬಾಯಿಂಜ, ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಅಪ್ಪನಾನ ದೇವಕ್ ಮಹಿಮೆ ಕೊಡಿ.

ಆನಗುಂಡ್, ದೇವಕ್ ಮಹಿಮೆ ಕ್‍ಟ್ಟುವಕಾಯಿತ್, ಕ್ರಿಸ್ತ ನಂಗಳ ಸ್ವೀಕಾರ ಮಾಡ್‍ನನೆಕೆ, ನಿಂಗಳು ಸಹ ಒಬ್ಬೊಬ್ಬನ ಸ್ವೀಕಾರ ಮಾಡಂಡು.

ನಂಗ ಒಬ್ಬೊಬ್ಬನು ಬೋರೆಯಿಂಗಡ ಕುಶಿಕಾಯಿತ್ ಅಯಿಂಗ ಬಕ್ತಿಲ್ ಬೊಳಿಯುವನೆಕೆ ನಡ್‌ಕಂಡು.