Ayat Alkitab yang Popular daripada ಮತ್ತಾಯ 17

Kongsi

ಅದ್ಂಗ್ ಯೇಸು: ನಿಂಗಕ್ ನಾಡ ಮೇಲೆ ಬೋಂಡಿಯಾನ ನಂಬಿಕೆ ಇಲ್ಲೆ; ನಿಂಗಕ್ ನಾಡ ಮೇಲೆ ಕಡು ಕುರುರಚ್ಚಕ್ ನಂಬಿಕೆ ಉಂಡೇಂಗಿ, ನಿಂಗ ಈ ಕುಂದ್‌ಕ್ ನೀನ್ ಇಲ್ಲಿಂಜ ಪೋಯಿತ್ ಅಲ್ಲಿ ಇರ್‍ೕಂದ್ ಎಣ್ಣ್‌ಚೇಂಗಿ ಆ ಕುಂದ್ ಅಲ್ಲಿಕ್ ಪೋಪ; ನಿಂಗಕ್ ಮಾಡ್‌ವಕ್ ಕಯ್ಯತದ್‍ೕಂದ್ ಒಂದು ಇಲ್ಲೇಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಪೇತ್ರ ಅನ್ನನೆ ತಕ್ಕ್ ಪರ್ಂದಂಡ್ ಇಪ್ಪಕಲೆ, ಒರ್ ಮಿನ್ನುವ ಮೋಡ ಅಯಿಂಗಳ ಆವರಿಚಿಟ್ಟತ್. ಇಂವೊ ನಾಡ ಕೊದಿರ ಮೋಂವೊ, ಇಂವೊಂಡ ಮೇಲೆ ನಾಕ್ ದುಂಬ ಕುಶಿ ಉಂಡ್, ಇಂವೊ ಎಣ್ಣುವಾನ ನಿಂಗ ಕ್‍ೕಳೀಂದ್, ಆ ಮೋಡತ್ಂಜ ಒರ್ ವಾಣಿ ಬಾತ್.

ಯೇಸು ಅಲ್ಲಿ ಕೂಡಿತ್ಂಜ ಜನಳ ನೋಟಿತ್: ನಂಬಿಕೆ ಇಲ್ಲತ ಮೋಸವಾನ ಸಂತಾನಕಾರಳೇ, ನಿಂಗಡ ಕೂಡೆ ಎಚ್ಚಕ್ ಕಾಲ ನಾನ್ ತಾಳ್ಮೆಯಾಯಿತ್ ಇಪ್ಪಕ್ ಕಯ್ಯು? ನೀಡ ಮೋಂವೊನ ಇಲ್ಲಿ ಕಾಕಿಯಂಡ್ ಬಾಂದ್ ಆ ಕ್‍ಣ್ಣಂಡ ಅಪ್ಪಂಗ್ ಎಣ್ಣ್‌ಚಿ. ಯೇಸು ಆ ಕ್‍ಣ್ಣಂಡ ಮೇಲೆ ಉಳ್ಳ ಕೂಳಿಕ್ ಹುಕುಮ್ ಕೊಡ್‍ತತ್; ಅಕ್ಕಲೆ, ಆ ಕೂಳಿ ಅಂವೊನ ಬುಟ್ಟಿತ್ ಪೋಯಿರ್‌ತ್; ಅಕ್ಕಣೆಕ್ ಆ ಕ್‍ಣ್ಣ ವಾಸಿ ಆಚಿ.