Ayat Alkitab yang Popular daripada ಲೂಕ 5

Kongsi

ಜನಕ್ ಬೋದನೆ ಮಾಡ್‍ನ ಪಿಂಞ ಚೆನ್ನ ಆಳವಾಯಿತುಳ್ಳ ಜಾಗಕ್ ದೋಣಿನ ಉಂದಿತ್ ಬಲೆನ ಬೀಚ್‍ೕಂದ್ ಸೀಮೋನಂಗ್ ಎಣ್ಣ್‌ಚಿ.

ಅದ್ಂಗ್ ಸೀಮೋನ: ಒಡೆಯನೇ, ನಂಗ ಬೈಟ್ ಪೂರ್ತಿ ಬಲೆನ ಬೀಚಿತ್ ನೋಟ್‌ಚಿ, ನಂಗಕ್ ಒಂದು ಕ್‍ಟ್ಟಿತ್‌ಲ್ಲೆ, ಆಚೇಂಗಿಯು, ಇಕ್ಕ ನೀನ್ ಎಣ್ಣ್‌ವಗುಂಡ್ ಬಲೆನ ಬೀಜುವೀಂದ್ ಎಣ್ಣ್‌ಚಿ. ಅನ್ನನೆ ಅಯಿಂಗ ಬಲೆನ ಬೀಜ್‌ವಕ ಬಲೆ ಕೀತಿಪೋಪಚ್ಚಕ್ ದುಂಬ ಮೀನ್ ಬಲೇಕ್ ಬುದ್ದತ್.

ಆಚೇಂಗಿಯು, ಯೇಸು ಅಕ್ಕಕ್ಕ, ಜನ ದಾರೂ ಇಲ್ಲತ ಜಾಗಕ್ ಪೋಯಿತ್ ಪ್ರಾರ್ಥನೆ ಮಾಡ್‌ವಯಿಂಜತ್.

ನೀತಿವಂತಯಿಂಗಳ ಅಲ್ಲ, ಆಚೇಂಗಿ ಪಾಪಿಯಂಗ ಪಾಪತ್ಂಜ ಪಶ್ಚಾತಾಪ ಪಡ್‌ವಕಾಯಿತೇ ನಾನ್ ಬಂದಿಯೇಂದ್ ಎಣ್ಣ್‌ಚಿ.

ಸೀಮೋನ ಪೇತ್ರ ಇದ್‍ನೆಲ್ಲಾ ನೋಟಿತ್, ಸ್ವಾಮೀ! ನಾನ್ ಬಲ್ಯ ಪಾಪ ಮಾಡ್‍ನಂವೊ, ನೀನ್ ಇಲ್ಲಿಂಜ ಪೋಯಿರ್‍ೕಂದ್, ಯೇಸುರ ಕಾಲ್‌ಕ್ ಬುದ್ದತ್.

ಅದ್ಂಗ್ ಯೇಸು: ದಾರ್ ಸೌಕ್ಯತ್‌ಲ್ ಉಂಡೋ ಅಯಿಂಗಕ್ ವೈದ್ಯ ಬೋಂಡ, ದಾರ್‌ಕ್ ಸೌಕ್ಯ ಇಲ್ಲತೆ ಉಂಡೋ ಅಯಿಂಗಕ್ ಮಾತ್ರ ವೈದ್ಯ ಬೋಂಡಿಯೆ.

ಅಯಿಂಗ ದೋಣಿಯಳ ಕಡಕರೆಲ್ ನಿಪ್ಪ್‌ಚಿಟ್ಟಿತ್, ಎಲ್ಲಾನ ಬುಟ್ಟಿತ್ ಯೇಸುರ ಕೂಡೆ ಪೋಚಿ.

ಯೇಸು ಒರ್ ಪಟ್ಟಣತ್‍ಲ್ ಇಪ್ಪಕ, ಕುಷ್ಟರೋಗ ದುಂಬಿತ್ಂಜ ಒರ್ ಮನುಷ್ಯ ಯೇಸುನ ಕಂಡದು ನೆಲಕ್ ಬುದ್ದಿತ್: ಒಡೆಯನೇ, ನೀಕ್ ಕುಶಿ ಉಂಡೇಂಗಿ ನನ್ನ ಶುದ್ದ ಮಾಡ್‌ವಕ್ ನೀಕ್ ಕಯ್ಯೂಂದ್ ಬೋಡಿಯಂಡತ್. ಯೇಸು ಅಂವೊಂಡ ಕೈಯಿನ ನೀಟುವಂಜಿ: ಅಂವೊನ ಮುಟ್ಟಿತ್, ನಾಕ್ ಕುಶಿ ಉಂಡ್, ನೀಡ ಕುಷ್ಟರೋಗ ಶುದ್ದ ಆಡ್‍ೕಂದ್ ಎಣ್ಣ್‌ಚಿ. ಅಚ್ಚಕ್ ಬೆರಿಯ ಅಂವೊಂಡ ಕುಷ್ಟರೋಗ ಶುದ್ದ ಆಚಿ.

ಆಚೇಂಗಿಯು ಯೇಸುರ ಕೀರ್ತಿ ಇಂಞು ದುಂಬ ಪ್ರಸಿದ್ಧಿಯಾಚಿ. ಆನಗುಂಡ್ ಜನಡ ಕೂಟ ಯೇಸುರ ಬೋದನೆನ ಕ್‍ೕಪಕು, ಅಯಿಂಗಡ ಕಾಯಿಲೆ ವಾಸಿ ಆಪಕು ಅಂವೊಂಡ ಪಕ್ಕ ಬಾತ್.