Ayat Alkitab yang Popular daripada Varoma 12

Kongsi

Musaenzaniswa nenyika ino; asi mushandurwe murangariro wenyu uchivandudzwa, kuti muedze muzive kuda kwaMwari kwakanaka, kunofadza, kwakakwana.

Naizvozvo ndinokumbira zvikuru kwamuri, hama dzangu, netsitsi dzaMwari, kuti muise miviri yenyu, chive chibayiro chipenyu, chitsvene, chinofadza Mwari, ndiko kunamata kwenyu kwomwoyo.

farai patariro; tsungirirai pakutambudzika; rambai muchinyengetera

Usakundwa nezvakaipa, asi ukunde zvakaipa nezvakanaka.

Kana ruri rudo pakati pavatendi, danai norudo rukuru; pakukudzana tungamiriranai.

Rudo ngarurege kuva nokunyengera. Vengai zvakaipa; namatirai zvakanaka.

Kana zvichibvira, pamunogona napo, ivai norugare navanhu vose.

Musatsiva, vadikanwi, asi mudziurire kutsamwa; nokuti kwakanyorwa, kuchinzi, “Kutsiva ndokwangu, ini ndicharipira ndizvo zvinoreva Ishe.”

Regai kuva nousimbe pakushingaira; pisai pamweya; batirai Ishe

Nokuti nenyasha dzandakapiwa, ndinoudza mumwe nomumwe ari pakati penyu, kuti arege kuzvifunga mukuru kupfuura paanofanira kufunga napo; asi afunge nokufunga kwakachenjera, mumwe nomumwe nechiyero chokutenda, sezvaakagoverwa naMwari.

Musatsiva munhu chakaipa kana akuitirai chakaipa. Tsvakai zvakarurama pamberi pavanhu vose.

Ivai nomwoyo mumwe pakati penyu. Musatsvaka zvinorumbidzwa, asi mufambidzane navanozvininipisa. Musati pamwoyo yenyu makachenjera.

Asi kana muvengi wako aziya, umupe kudya; kana afa nenyota, umupe kunwa; nokuti kana uchiita izvozvo, uchatutira mazimbe omoto pamusoro wake.

Ropafadzai vanokutambudzai; ropafadzai, musatuka. Farai navanofara; chemai navanochema.

govanai navatsvene pakushayiwa kwavo; itirai vaeni rudo.

Nokuti sezvatine mitezo mizhinji pamuviri mumwe, asi mitezo yose haina basa rimwechete; saizvozvo isu, tiri vazhinji, tiri muviri mumwechete munaKristu, mumwe nomumwe ari mutezo wavamwe.