Ayat Alkitab yang Popular daripada 1 A̱ta̱solonikawa 5

Nyi ni̱ nshya̱ ma̱ng a̱lyia̱ sai kuzang jen. Nyi ni̱ naai A̱gwaza nchi̱ri̱ng. Nyi ni̱ ntak a̱gwai di̱ kuzang kyang ku bai a̱ni. Mat si̱ huni hwa yet kyang nang A̱gwaza chat da̱ a̱vwuo nyin á̱niet khwi ba̱ mun á̱pyia̱ ma̱ng Yesu Kristi a̱ni.

Ma̱ninika, yok A̱gwaza ma̱ a̱pyia̱ gu a̱ nwuat swat nyinyang a̱ni, gu jaat a̱mgba̱m nyin nyi yet a̱za̱za̱rak a̱jhyem. Yok á̱ bu tyia̱ a̱mgba̱m tswá nyin ji, nfwuo nyin na, ma̱ng nvam nyin na, na̱ sang a̱bun, si̱ nat jen ji nang A̱tyoli nzi̱t wu, Yesu Kristi, na mbwuok a̱ bai a̱ni. A̱gwaza a̱ yei nyin a̱ni, a̱ yet a̱tsotswat wa, a̱ na nyia̱ a̱nia za̱m.

Nyi kwan nyi li nang a̱yin ma̱ nyin tan a̱ka̱tuk ma̱ng a̱ka̱tuk bah. Da̱ a̱kwonu a̱kya, nyi kwan nyi nyia̱ á̱ghyang nyin ma̱ng kuzang a̱yin a̱tan nta̱m.

Mat a̱nia, nyi tyia̱ á̱ghyang nyin gba̱gbak. N nyi bu gbi̱ri̱ng á̱ghyang di̱ khwi Yesu, ma̱nang nyi nnyia̱ ma̱ninika a̱ni.

Á̱niet khwi Yesu ba nang n chat a̱ni, zi̱ naai nyin, nyi gba á̱niet a̱ka̱li̱t. Nyi tyia̱ á̱niet fwuong nsum gba̱gbak. Nyi beang á̱niet sang chet. Nyi ni̱ nyap nfwuo ma̱ng konyan.

Mat A̱gwaza khai nzi̱t da̱nian a̱ ka nyiak zi̱t di̱ mwai lyen nggu hwa bah; da̱ a̱kwonu a̱kya, da̱nian zi̱ ka shya̱ san hwa mami A̱tyoli nzi̱t wu Yesu Kristi.

A̱mgba̱m nyin, nyi yet mman a̱vwuo sai nia, ma̱ng mman a̱ta̱mam. Zi̱ yet á̱si̱ a̱tyetuk ku á̱si̱ mi̱ ndyin bah.