Ayat Alkitab yang Popular daripada N. Marc 7

Kongsi

Oir ʼsann bhoʼn taobh stigh á cridhe dhaoine a thig droch smaointean, adhaltras, striopachas, murt, Goid, sannt, droch-bheart, foill, mi-gheamnachd, droch-shuil, blaisbheum, uabhar, aimideachd. Tha na h-uilc sin uile a struthadh bhoʼn taobh stigh, ʼs tha iad a truailleadh an duine.

Cha n-eil ni a dol a stigh ann an duine bhoʼn taobh-mach, a ʼs urrainn a thruailleadh: ach ʼsiad na nichean a tha tighinn a mach á duine, a tha truailleadh an duine.

Ach esan a freagairt, thuirt e riu: Is math a dhʼfhaisnich Isaias muʼr deidhinn, a chealgairean, mar tha e sgribhte: Tha ʼm pobull so toirt urraim dhomhsa leʼm bilean: ach tha an cridhe fada bhuam.

Agus is faoin dhaibh a bhith toirt aoraidh dhomhsa, ʼs iad a teasgasg puingean us orduighean dhaoine.

Oir a fagail fainte Dhe, tha sibh a cumail beul-aithris dhaoine, mar tha nighe phoitean, us chupaichean; agus moran nichean eile de ʼn leithidean sin tha sibh a dianamh.