Ayat Alkitab yang Popular daripada मत्तायोस 13

Kongsi

अरा एकदा उबजा ख़ॆख़ेल नू चाँख़्रा, आद ईद हवे, एकास कत्‍थन मेन्‍दस ती बुझ्रदस, अरा ख़ंजपा ओन्‍द्रदस, नॆ सौ गुना महले साठ गुना महले तीस गुना ख़ंजपा चि'अदस।”

अरा एकदा अच्‍च-ख़ोप्‍पा नू चाँख़्रा, आद ईद हवे, एकासे कत्‍थन मेन्‍दस लिकिन ख़ॆख़ेल ता फिकर अरा खुर्जी अरा मया-मॊह आसिन अरबिया ख़ने आस ख़ंज'आ पोलदस।

एका ओर्तस मेर्ख़ा राजी ता कत्‍थन मेन्‍दस ती अदिन मल बुझ्रदस, आसी जिया एन्द्रा चाँख़्रकी रहचा अदिन नाद बर'ई ती बच्‍ची हु'ई क'ई, ईद आद दिम हवे एकदा डहरे पिंडी नू चाँख़्रकी रहचा।

अरा एकदा पखनोरी ख़ॆख़ेल नू चाँख़्रकी रहचा, आद ईद हवे, एकास कत्‍थन मेन्दस ती लॆम रिझ्रनुम पत्त'अदस। अन्नु हूँ तंग्‍‍है जिया नू गड्डी गूटी कत्‍था मल खुपना चड्डे आस जुक्‍किम उल्‍ला गे कत्‍थन पत्त'अदस। अरा सस्‍ती महले कत्‍थन पत्त'अना ही चड्डे आस म‍इय्‍याँ सतारना बरना बेड़ा आस कत्‍था ती पत्त'अनन लॆम अम्‍बदस।

अउरिम येसुस बाचस, “मेर्ख़ा राजी ख़ल्‍ल नू मंड्रका खुर्जी लेक्‍खा र'ई, अदिन एकअम आलस बिद्दियस ती आ ख़ल्‍ल नुम मंडियस चिच्‍चस, अरा रिझ ती केरस ती तंग्‍है उर्मिन बीसियस ती आ ख़ल्‍लन ख़िन्‍दियस।

लिकिन जोक्को बिहनी उपजा ख़ॆख़ेल नू ख़त्रा, अरा आद कुन्‍दिया परदिया अरा जोक्को सौ गुना ख़ंजा, जोक्को साट गुना ख़ंजा, जोक्को तीस गुना ख़ंजा।

ख़ोयना गूटी ऎंड़ानिम संगेम परदा चि'आ, अरा ख़ोयना बेड़ा नू ऎन ख़ोयू आलारिन ब'ओन का मुन्‍द बनेला बिहनी ही ख़ोप्‍पन लॊड़'आ ती बस्‍सा गे अदही बिंड़ा हें'आ, अरा गहूँन एंग्‍‍है खली नू ख़ोप्‍पा।’”