Ayat Alkitab yang Popular daripada Noo Mark 2

Kongsi

Tra cheayll Yeesey shoh, dooyrt eh roo, Cha vel feme ocsyn ta lane er y lhee, agh ec sleih chingey: cha daink mish dy eamagh er y vooinjer chairagh, agh er peccee gys arrys.

Tra hug Yeesey tastey da’n chredjue oc, dooyrt eh rish y dooinney ching, Vac, ta dty pheccaghyn er nyn leih dhyt.

As dooyrt eh roo, Va’n doonaght er ny yannoo son dooinney, as cha nee dooinney son y doonaght.

As tra nagh dod ad cheet er‐gerrey da kyndagh rish y chennid, rooisht ad kione y thie raad v’eh: as erreish daue v’er vosley stiagh ny hrooid, lhig ad sheese y lhiabbee ayn va’n palsee‐doghanit ny lhie.

Agh dy vod fys y ve eu dy vel pooar ec Mac y dooinney er y thalloo dy leih peccaghyn (dooyrt eh rish y palsee‐doghanit) Ta mee gra rhyt, Irree, as trog seose dty lhiabbee, as immee royd gys dty hie.

Cre sassey dy ghra, rish y palsee‐doghanit, Ta dty pheccaghyn er nyn leih dhyt: ny dy ghra, Irree, as trog seose dty lhiabbee, as jean shooyl.

As chelleeragh dirree eh, hrog eh e lhiabbee, as hie eh magh kiongoyrt roo ooilley, ayns wheesh as dy row ad ooilley lhieent lesh atchim, as dy ren ad Jee y ghloyraghey, gra, Cha vaik shin eh rieau er yn aght shoh.