Ayat Alkitab yang Popular daripada Rómà ŋa 3

Kongsi

Ɔ̀nyà ɔ̀kã̀lɔ́ɔ̀kã̀ kpó dzàbi-Ɔ̀ɖáyé, tsí iyì‐ɛ̀ ǹɖe ńǹtá-ŋa. Ó ɖi, Ɔ̀ɖáyé tse ore-ɔ̀fɛ́ fúnɛ náàrì bere iŋɛ́-kã̀ kpókpó nɔ́wɔ́-ɔ̀nyà-kã̀, tsí ó gbanɛ nɔ́ɔ̀nyà-atsòtítɔ́ nódzú-ara‐ɛ̀ gbà ńǹtá-Yèésù Kírísítò, ɛnɛ yèé wà gbanɛ nɔ́wɔ́-àbi dzídzɛ#ɛ́.

Òŋu ní dzɛ́ ní ɔ̀nyà ɔ̀kã̀lɔ́ɔ̀kã̀ kpó yèé mú àkaralé‐ɛ̀ si ńǹtá-Yèésù Kírísítò#ɛ́, Ɔ̀ɖáyé náa gbàá nɔ́ɔ̀nyà-atsòtítɔ́ nódzú-ara‐ɛ̀, àtsùgbée kíbí ó gba Yèésù Kírísítò gbɔ́#ɛ́ ni. Èmi ní dzɛ́ bɛ́#ɛ́ kò wà ńɖi-Ɔ̀ɖáyé òŋu.

Ɔ̀ɖáyé ti mɔ́wɔ́ tɛ Yèésù Kírísítò#ɛ́ si ní kó gbà ńǹtá-ikú‐ɛ̀, tsí tunɔ́ fú òŋu ti nára-adzàbi ŋa bí à gbàá gbɔ́. Kíbí Ɔ̀ɖáyé tse bɛ́ɛ̀#ɛ́, ó wà nyà ɖíre ní dzɔ̀ɔ́ dzɔ̀ɔ́#ɛ́, kà tsòkṹnù ńǹwèrè yèé ɔ̀nyà ŋa wà náàbi dzídzɛ si#ɛ́. Ó fodzú ɖií si, iŋɛ́ yèé tse#ɛ́, ó nɛ́ àtɛ̀si ńǹwèrè nyɛ̀ŋɛ̀. Ɔ̀ɖáyé tse bɛ́ɛ̀, tsí wà ń nyà ɖíre ní báàyí gbo#ɛ́, òŋu kà tsòkṹnù. Ó ɖi, òŋu náa tse òtítɔ́, tsí òŋu náa gba ɛnɛ yèé gba Yèésù gbɔ́#ɛ́ nɔ́ɔ̀nyà-atsòtítɔ́ nódzú-ara-òŋu.

Òŋu ní tse tsí bí Ɔ̀ɖáyé gba ɔ̀nyà-kã̀ nɔ́ɔ̀nyà-atsòtítɔ́ nódzú-ara‐ɛ̀#ɛ́, kò tsi náàtsùgbée kíbí ɛnɛ nyɛ̀ŋɛ̀ rɛ̃̀ si nɛ́kpa-Mɔ̀ɔ́sè†#ɛ́ ni. Ó ɖi, ɛkpa#á òŋu náa tse tsí ɔ̀nyà ŋa kó wà rí mà ní àŋa wà dzàbi gé ni.

Ó ɖi, à ti kɔɔ́ si ńǸwé-Ɔ̀ɖáyé† ní: “Ɔ̀nyà-kã̀ kpókpó kò wà, tsí dzɛ́ atsòtítɔ́ nódzú-Ɔ̀ɖáyé. Ɔ̀nyà ɔ̀kã̀ntso gìɖì kò wà, tsí dzɛ́ atsòtítɔ́. Ɔ̀nyà-kã̀ kò wà, tsí wà gbɔ́ òkpì-iŋɛ́ yèé sã̀ ní ká tse#ɛ́-kã̀ kpókpó. Ɔ̀nyà-kã̀ kpókpó kò wà wo ɔ̀nà yèé à náa gbà, tsí rí Ɔ̀ɖáyé#ɛ́ gìɖì. Ɔ̀nyà ɔ̀kã̀lɔ́ɔ̀kã̀ kpó, à kɔ ɔ̀nà-Ɔ̀ɖáyé dzɔ̀ɔ́, tsí yagbo. Ɔ̀nyà-kã̀ kò wà, tsí wà tse iŋɛ́-ire. Ɔ̀nyà ɔ̀kã̀ntso gìɖì kò wà, tsí wà tse iŋɛ́-ire.

Àa rí mà ní bí ɔ̀nyà-kã̀ nɛ́ àkaralé si ńǹtá-Yèésù Kírísítò#ɛ́, Ɔ̀ɖáyé náa gbàá nɔ́ɔ̀nyà-atsòtítɔ́ nódzú-ara‐ɛ̀. Kò tsi afɔ̀-ɛnɛ nyɛ̀ŋɛ̀ kó wà rɛ̃̀ si nɛ́kpa-Mɔ̀ɔ́sè ni.

Láyé! Kò tsi bɛ́ɛ̀ ni. Bí ɔ̀nyà ŋa kpó dzɛ́ olí-òɖòbò gìɖì#ɛ́, Ɔ̀ɖáyé òŋu, òtítɔ́ gé ní náa wà wí#ɛ́. Kà tsòɖòbò láyé. À kɔ si ńǸwé-Ɔ̀ɖáyé† ní: “Ɔ̀ɖáyé, bí ò wà wíìnyɛ̀, ɔ̀nyà kpó náa mà ní òtítɔ́ gé ní ò wà wí#ɛ́. Tsí bí à wà kpɛdzɔ́ báɛ gìɖì#ɛ́, ò kà kí nɛ́dzɔ́ láyé. Tɛ̀ɛ gé ní náa dzàre#ɛ́.”