Ayat Alkitab yang Popular daripada O waamulha 16

Kongsi

Yamalheke, nkayeerelha Nasamsoni wiira, “Nasamsoni! Afilisti anoowacha ukelhelha!” Nasansoni nkayoowa uno opuwelhaka wiira anookhuma ni wiichoopolha thoko mpacho vawo. Khaachuwenlhe wiira Apwiiya Nlhuku yaari anaahiyalhe.

Vavawo Nasamsoni nkayaalhepelha Apwiiya Nlhuku yeeraka, “Athithi Apwiiya Nlhuku kinoulhepelhani wiira nkuupuwelhe. Nkihelheke machiri, nkwaha ulha mmoka, inyu Nlhuku wiira kilhivererihe nkwaha mmoka ulha Afilisti apwenshe miitho aka.”

khayoonrie uvilhelha, nkaathaphulha isiri yaavitha aya yeeraka, “Ikharari chaka kachinahamiya toka uyaria waka. Mii kihopangiya ntakatifu a Apwiiya Nlhuku toka munthukwani mwa anumwanaka. Yakhalhaka kinoohamiya, machiri aka anookhuma, ni mii kinookhalha thoko ntu riyoothe.”

Delila vaathepa awe waakoha Nasamsoni chinene malhove menchi, nihuku baada yo nihuku, ni waathunalhiha Nasansoni ata nkayoocha munrimani mwaya aatameriaka ukhwa

Yamalheke nkeera wiira, “Kikhweeke vamoka ni Afilisti alha.” Nkayaakakha wo machiri aya onkhaye. Inupa nkayaawulhuwelha ashulhupalhe onkhaye a Afilisti ari mwommo nnupani mmo. Attu eeviye ari enchi waapwaha alhe eevakachilhe aya ikatema vaari aya nkumi alhe.