Ayat Alkitab yang Popular daripada Aromayi 5

Kongsi

Ama, Shekwoyi wa wuyi owo yeye shiwa tnu n Kristi yi, wa fi tu n yi ɓo, tunyi yi ye zhin a laifi da.

Nnavun, sanu n kwo zhin lonu, yiɓa mi ya bwa bugba kala ko knidonu na zhin yiʼa, yi kpe ge nyaho ta zhin ntuge yi kpelo shi Shekwoyi yeyi, yi wo ye-ye yi lo n yi abugba mi, ntuge Shekwoyi zafun dnalo n yi mi, woi nuyi a bugba n wo yeye yi.

Yi ɓa dagma ce sanu n ya lo wahala ncei, ntu ge yi kpe ge ko n na pmayi lo-lo n yi aba, ɓa wu yi shi yi ɓa zhin hankuri. Hankuri zhin kwa ɓe n kala yi kwa bma yi zhin ya kpema Shekwoyi esayi vinya, ya zhin apma n kwoi har esa n yi awyetu n gaiciya gai ɓa bwa kala n mi gni yi.

Ntu lonu, nsayi ye shi aku yi ze abefyecezhin yi n Shekwoyi abye nyi, ntu yi gaiciya ga ɓo n wo alkawali. Yi ɓa bwa bugba fu hin-hin nsaiyi ntu n ɓo n Yesu Kristi eyi Dagayi ku zhin ga yi nyi. Ntuge, ntu n yi gaiciya ga ɓo nu n wa ɓe n yi n aba n yi gni-agni zhin n saiye nyi. Yi n bugba kalayi n agmadayi, yi shiwye ya ze enya n Shekwoyi n ceyi dna n bugba ntu yi ɓo ya ze.

Sanu n yi to ɓei n bmazhin yi, n tna gni-gni zokwo, Yesu wa ɓedna n sai dai-dai wafi ntu n yi alaifi ɓo, eyi n yi to ɓei n na pmayin.

Shi kwo nyi nwo ami yi nu, nwa zhin aɓedeye gayi, yi ye zhin alaifi da, ai, woɓa gna zhin-zhin gayi nu n sayi, shi wo layi gni nyi. Nsayi wo ɓa gni yi n Shekwoyi minagyi vinya n kwo ɓelo nyi.

Adamu wa zhin aza n mwa begye, ɓa ze alaifi da, ɓai zun Shekwoyi ɓeda gna, ama Kristi wa zhin Shekwoyi woi gwo aza n mwa begye ntuge wo ɓei vi ɓo.

Nsayi ye, yi dagma ntu jedoɓe woi-woi ɓo n Shekwoyi, ntu nya ɓo n yi Dagayi Yesu Kristi wa zhin gayi, nwa fi ntu yi alaifi ɓo nyi, woi zeyi Shekwoyi a nugundo.