Ayat Alkitab yang Popular daripada YOHANNA ƁEWYEGYE 14

Kongsi

Mawo begye n eshe bmana, n mi eshe kwoi cige, “Ka aɓeye kpe, esa n la si nsai n awo aza a fifiyi ɓa lo oɓa sun-sun, E, Zafun nu na da, ɓazhin anabarkada nu, gama nsaiye ɓaɓa sun n ɓa azhin, ntnu-tnuyi, gama oɓa atnu-tnu manayi viɓa lo har eshemi.”

Fa deye kwa ga Shekwoyi aza kala, ɓa zhin hakuri dna n wahala doho-dohoyi n nazhinyi, gama aza n ɓa mi zhi n kalayi dna n wo awyi-dnai vi, ɓai kpema Yesu, ɓa zhin aza gyi-gyi-yi nu.

Woi sawyi woi gna, “Wo Shekwoyi dna, ha lawo mwa: mwa tu, gama esa lasi nwo ɓa sase tu ngye Alkali, ga wo mwa-mwa nwa zhin eshe n na anyi-i nyi, anuwan yakwo n na anyayi vinya nɓa fi n ɓa nyi.”

Malaika tayi wa viɓa woi sawyi nge, “Ozaho-zahoyi n wo ga Nyawan-nyawan mwa-mwa nkwo gmi n nuwanyi, n wo nya zhin-zhin yi, wa gwo owo zetu, nwo nyikunmi kwo obwa. Tile wa sin nuwan nukwoyi Shekwoyi minagyi nya, azekwo fi n tna buyi Shekwoyi kop minagyi nya, a ɓei gyi ɓa ena n sulfa yi, n wo amalaika gyi-gyi-yi abye n kugya yi. Awu oɓa azhinya ɓa gun lo eshe nyalo-nyalo, ɓato ɓei shan sun n sukwoyi n nyipyeyi-gama ɓa ga Nyawan-nyawan mwa-mwa n wo nya zhin-zhin yi, ɓai la owo eye tuze gwo.”

Nnavun magye kugya gni agni tu, n Sihiyona epe n gnisun n na azayi dubu tagyi n cei kpe shinyi cei anyi (144,000) nɓa ɓei nwo eye n wo Dada eye yi kakpe n ɓa anyikunmi nyi.

Magye malaika doho woi gye afu n na anyi bmana, n Nabari manayi shi, wa zhin aza waʼazi ba akni doho-doho, n na abyei, n na anyitalayi.

Malaika doho wa viwo n na avun, n na anyi bmana woi gna, “Babila n la miya, kwola miya, ezhinyakwoyi gama kwo dna akni anyi nya kwoce, kwa dnaɓa asisi ɓo zhin n laifi yi n mwa.”