Ayat Alkitab yang Popular daripada Afisusuyi 4

Kongsi

Fye bwa bugba manayi n na jeyi, fyei ye n na jeyi, fyei zhin aje gafara shi Shekwoyi wa zhin fye gafara ntuge fye zhin Kristi nya nu nyi.

Fye gba fyehin tukwo fya zhin peceiye, fye zhin hakuri n na ajeyi, ntu ye-ye ɓo to fya gye aje laifin ngye nya ho nun.

To da ɓeda nukwoyin, bwa ɓedanu da n kwo ɓa bma aza zhin n ho daɓo n ɓai, enya n kwo ɓa gaba anabarka.

Fye kufa napye ɓo n minagyi yi, anyawu, ɓeda nukwoyi, fye to fa a tna ajeye kwa lo dna n fya tasin m.

N ha gyi minagyi to zhin laifi ha fa minagyi yi fi n ho min, to fa nyipyeyi kwa shin hoi gyi minagyin, ku kwo ze amwi npye. Gama n ha gyi minagyi, ho ga shetan apita tu ba nu.

To, fyeku a nayi kwo-kwoi ya, n kwo ɓei zhin aɓe a nukwoyi nyi, n kwo la bo vinya n nu-nuyi n shakpei. Nsaiye efye hali n fye a nubo zhin yi, tilas ɓa shando cici ɓa ze amanayi. E, tilas fya ze aza woi-woi, n gyi-gyi-yi n bmiya. Fye ku nayi woi-woi ye kpe.

Fye zhin atna fya fa Zafun Gyi-gyi-yi wa dna fye n zokwo nlonu fya sa-se n najei n bugbafu yi.

Azaho n yimi a ku ɓe-kpezhin gaɓa, ngye atnu-tnuyi, aza ho wa gaba waʼazi kpe-zhin, azaho ɓami ɓa gni aza ɓe cei n Kristi aba, ɓai bma ɓa zhin ɓa kpema wo ngye oɓa Gniyi. Azaho ɓa shi Shekwoyi aza bwa, ngye a knikna yi ɓai wuɓa, ɓai dnaɓa n Shekwoyi zokwo. Kni nu zhin woi gayi ɓe-kpezhin n nabai ya kpe aɓo zhin n bmiya? N na abai Shekwoyi aza ɓami ɓa zhin tnu-tnu manayi gawo, ɓa mi ikklisiya, Kristi nayi kwa mwa kwa bwa kala. Har ya ga gaiciya gmanyi ntu n yi gni-gni ɓo, n yi Gniyi, Shekwoyi Nugun, ya mwa fi n Dagayi, E, har ya si aba n Kristi ɓa dna n yi mi dei-dei.

Nnavun yita shan ze ngye aɓin, yi shan abugba do na anya ɓo n yi ga gaiciya n, ntuge aza ɓe yi n wuwu akata nya yi, yi gye ngye gaiciya nu. Nkwo apita yivi gaiciya dna n ye-ye nsai vinya, yida gaiciya, yi zhin aɓo dna n gaiciya, yi sase dna n gaiciya, n na bai ya ze ngye Kristi n wo zhin owo nayi tukwo danyi, wato Ikklisiya, Dna n wo ɓewu nayi vinya nku aje dei-dei, oga dohodohoi n kwo zokwoyi, kwoi bma do zhin, n na bai n nayi vinya ɓa bwa lafiya, kwa mwa n nu-nuyi n yeyi.