Ayat Alkitab yang Popular daripada Bitrus I 2

Kongsi

Ama fye to wulo lonun, ntuge Shekwoyi la fye kni n wohin yi, fye zhin Esu a pirist nu, fye gyi-gyiyi lo n bmiya, fye zhin Shekwoyi anyanu, aɓeye vinya ntu ge fya wu aza shi Shekwoyi wa yi fye n wyegmaa mi woi lo fye fi n wo buzangna ɓewowoyi nya.

Wonu ɓei la eyi alaifi kaya n wohin nayi, esa n wo ɓei fi tu n zundu nyi, n na bai ya ze afifiyi n laifi aba, ya se ase gyi-gyi-yi nsayi. Ntuge ntu wo aci ɓonu yi-i bwa kagna. Ngye akni fye ɓei ku bwi Shekwoyi zokwo, ama nsaiye fye la jezeɓe da fye ʼkniknayi ofye awye-wyeyi guyi n wo gu fye n nanya kasayi nyi.

Nsapai fye to ɓei zhin nyaho nun, nsaiye fye zhin Shekwoyi anya nu, nsapai fye to ɓei kpe Shekwoyi alheri ye n mwan, nsaiye okwo nu la fya wye-wyeyi shando.

Nsaiye shi fye kpelo shi Dagayi ye fye nsunyi, fye ku ɓenukwoyi ya vinya, kwocedna, eshe, n na katai. Fye zhin atna fya mwa fi n fye gnigni, fyei zan madara zafun nya shi n bwi-ci yi, she oɓi zhin wa cibwi woi zan ɓeɓe shin nyi.

Oma zaje, fye zhin azhiɓeyi nu ya. Shikwonyi ofya yi hin-hin lo n ʼshe mi nu, mi gyi fye wye fya bui anyi dada nukwoyi ye nya si, ɓa to zhin ofye nun, ntuge ɓa sunkun n ʼfya wye-wyeyi. Fye zhin peceiye shi fye sase n fya knuzhiyi n ɓa zhin atnaviyi nyi, ntuge ɓa gye fye ngye aɓo nukwoyi zhin yi, shi ɓa gye fye ɓemana ɓa ɓei ci Shekwoyi ntu fya tnu-tnu manayi ɓo esa n Kristi ɓa jezeɓe cei.

Nsaiye fye ku ze akuta awyewyeyi, Shekwoyi wa zhin apma cei wa mi nyakun, kniyi du lo ɓoʼa? Fye ɓe Wa ba, (ofye n fye ku zhin anya go-go yi nwa ba ntu Yesu Kristi ɓo nyi,) fya ga wo anya n ɓa dawo.

Ntu cenu fye la nuwun gmiya n bugba. Fye to zhin aɓo n gye fye zhin aza manayi n munaficiyi gwo dna n mim, Fye ku tna-gaiciya ya, n eshei, n na za ɓedai n ɓa vun.

Fye ɓe Kristi aba, owo nu zhin Nyakun shishiyi Apma nya n Shekwoyi mi nya tu nyi. Koda shike aza la wo ciwyegba wo na pmailo n latui njesun n Shekwoyi aba n wa kni wo tu naza she nyi.

Fye ku pwo owa, ama kwo to wu nu ge fye zhin ɓenukwoyim, fye sase n gye aza nɓa ku pwo, ɓa zhin Shekwoyi ɓeye nu gmanyi n saho-sahoi yi.

Shekwoyi nufi nu efya sese manayi ɓa kun aza gbe n ɓa ci Nabari Manayi aɓenya to ɓai kpe oɓoye n kwo ɓa mi kwa zhin ɓa nyim, ntuge ɓa to shin kwo iko towom.