Ayat Alkitab yang Popular daripada Yohanna I 3

Kongsi

Omi aɓi, yi fa ɓeda ɓo n gbeyi ge yi ye eyi azaje lo, yi ye ɓa cewo ya wu ɓa n yi aɓo zhin-zhin.

Yi kpelo ge ye-ye hin-hin kun n Kristi aba nu, ngye shi wa fi ntu nyi ɓo nyi, ntu cenu kwo kunce lo ya gayi awye-wyeyi ntu n yi a Yesu-viyi aje ɓo.

Fye gye shi eyi Dada eshe nya yeyi nsun, har woi ye ge a yi yi ge owo aɓi–gaiciyai nu yi zhin wo aɓinu, ama aza n mwa begye nɓa ta kpe Shekwoyi yen, ɓata kpe lo ge yi zhin owo aɓi nun

Ama n fya gyi abye n ɓenukwoyi zhinyi, kwo wunu ge fye zhin Shetan nyanu, oza n wo ɓei ya laifi zhin to wa shan ka nkwon, ama Shekwoyi Nugun ɓei ɓe ntuge wa wun shetan atnu-tnu ya nu.

Oza n na la wo ma dna n Shekwoyi aɓi wo ta gyi abye n laifi zhin yin, ntuge nsaiye Shekwoyi wye-wyeyi dnalo n wo, ntuce wo ta gyi abye n laifi zhin yin, ntuge ala wye-wyeyi woi-woyi ye ma dna nwo, kwoi wanwo shi, alawo shanma.

Ama ndei oza n wo zhin Yesu-viyi wo n na agyiwyeyi lo nwo ɓa sase n dagma, wa gye zado n na awyekwoyi to wa bmawo zhin, Shekwoyi ye-ye dnalo n wuna nu nwo miʼa?

Aza n ɓa zhin enya n Shekwoyi wa da ɓa sease lo fi n Shekwoyi owohin nɓa mi, Yi kpelo deye kwo zhin gaiciya nu, n tuge Zafun Gyi-gyi-yi n wa gayi nyi wo gna yi nlonu.

Nlonu yi ɓa mi ya wu oza n wo zhin Shekwoyi ɓi, n zayi n wo zhin shetan nya. Oza nwo sase dnalo n laifi to woi ye nwo azaje yin, wa wunu ge woto dnalo n Shekwoyi aɓin.

Gama nabari n yi ɓei wo tunyi n kmisunyi, okwonu ge yi ye n na ajeyi.

Ntucenu ce to wo fye n, emi anugundo ndei anyi wun yi nun.