Ayat Alkitab yang Popular daripada Salmos 2

Kongsi

Kakan, te na taa rin ndiꞌi ñuu naꞌnu vi ñuu kueli ja saꞌa jajin ron, te vi ndee jaꞌa ñuyiu taa rin ja kokuu kuenta maa ron.

Vi kindei vi kititi ni nuu Seꞌe ia Dios, nagua ja ma kiti ini ya, te xnaa ña ya nuu ichi ka jika ni, chi ñama ndevaꞌa kiti ini ya. Su na taꞌu na ndetu ndiꞌi ñayiu ka nduku ja na koto na kuni ña ya jin.

Te ka ndakoo tee ka kuu rey vi tee ka tatnuni nuu ñuu siki Jitoꞌo Dios, te inuu ka ndakani kueꞌe ini de siki ya vi siki ia ni chitniuu maa Dios, te ka kachi de: “Na vi kujioo, te ma kotatnuni ka ya nuo, ni ma vi kunukuechi kao nuu ya”, ka kachi de.

Te yun guaa maa ni ja ka kuu ni rey, vi tee ka tatnuni, vi junkuiꞌnu ini ni yaꞌa, te vi konini ni tnoꞌo ja xteku ña san. Vi kunukuechi ni nuu maa Jitoꞌo, te vi chiñuꞌu ni ya ja vi suaꞌa ka niꞌi ni ja ka yuꞌu ni ya.