Ayat Alkitab yang Popular daripada MITHEW 19

Kongsi

Jisu na mani ta an weta manikolla ril, “Nangei malmashi kolla chu nahi ane no ae,” chuti weta Chungthieng kolla chu aneno ti ekom am no ae.

Chuna sarukka manui aniha ani ah ni oh weh akha chakso ae. Hana sarukka Chungthieng na tul pi sha hi atu akha na hran hlak no shu oh.”

Jisu na sange, “Nangei na pa no the songa chau ha chu athou hai thou wa sempipa mitpu na namei apa ta sem ha. Chungthieng na rillea hina rouram sarukka apa na manu mapa ta hla phur weta anamei kolla am shu oh hana ani ha atun chu akha wul so ae?

Jisu na rillea, “Unga ngei ha hamma shi no oh ka-am na ah wa shu oh mani ha, rouram chu wanram ha mani taranga ae.

Chuti weta masha ah am ngei na atreem na chang ange hana meenu ngei na masha ange.

Chuna atu jongnu atu jongpa akha na kasaruk ka ah inn alou houphur ra anoleh ah-u-anao, anoleh, manu mapa ah no lea asanao hou phurra thing lea chu amo na saruk riha hella pha ah samla ring chang kom pe ange.

Jisu na amota rillea, “Ejonga nangna hilim hi rakit num ta lea chu, thing weta na am nadon lim jur weta napha sum ha sara nouringei kolla pe thingo chu lea chu waram ma natarang am mange, chutilea chu kanutieng juijo.”

Chuna Jisu na sange, “Ejerange kakolla ahra tullu taranga nangna sai ah am che?” “ahra akha chu am meh, nangna samla ring chang phanum ta lea chu jieksha rouphun ngei ha sung jella am mo.”

Keina nangei kolla rilsinge achongpu malmashi na Chungthieng rengram tung ang chu jangpu sha na ahriem na sunga lut pa na hella lei tekkae.”

Chuna keina nangei kolla rilla aminge atu na hal, atu hal apa akha na anamei ta vokno shimshak chat ano lutta ahran tul shukka namei adang ta nei thing lea chu shimshi bohron mee ae ta la ange.”

Hana Jisu na marui ngei ta rillea, “Keina diekka nangei kolla rillinge, achongpu malmashi ngei na wan rengram lut tanghi leima olla shuk kae.