Ayat Alkitab yang Popular daripada Okutandika 24

Kongsi

Yaashaba ati: Ai MUKAMA, Ruhanga wa mukama wangye Abrahamu, ninkweshengyereza, mpa omugisha hati, ogirire mukama wangye Abrahamu embabazi.

Mbwenu kibe kiti; omwishiki, ou ndaagire nti, Tuura orunywero rwawe, nnyweho, naakweshengyereza, nawe akagarukamu ati, Nywaho, kandi naaza kweshera n'engamira zaawe, abe ogwo ou waatooraniire omwiru waawe Isaaka; kandi aho niho ndaamanyire ku waagirira mukama wangye embabazi.

Bwanyima Isaaka yaatwara Rebeka omu ihema rya Saara nyina yaaba omukazi we, yaamukunda, yaayebwa enaku z'okufa kwa nyina.

Baashabira Rebeka omugisha, nibagira bati: Munyaanyiitwe, obe nyina w'abantu enkumi n'obukumi; kandi oruzaaro rwawe rukubuure amarembo g'abarikurwanga.

nkurahize MUKAMA Ruhanga w'eiguru n'ensi, ku otarishwererera mwana wangye omuri bahara b'Abanyakanaani, abu ntwiremu; kureka ku ogigyenda omu ihanga ryaitu, kandi omuri beene waitu, okaba niyo waashwererera omwana wangye Isaaka omukazi.