Ayat Alkitab yang Popular daripada Aposolo 2

Loga o betiyato, Pitakafo liwila oto lobibo, Heimotina muki ya lutina-hatina li elepa iti Yesu Kilisto huliyalo noku inabo ya Gotikafo lifimatina hilili o betito, Weuna Fele biyageto linigilae.

Ena holifefe lanune, loti aposolo api itibiyabo ha auba iti holi minabo mono wenina malekama adinalo li faka lo beti minoti, wetina-idafafena ya maina noti Goti lomu-lomu o minae.

Utinalo lumito, ido muki ya Weuna Fele yakafo mino betito lutina-hatinau faitoto, lowa-lawa ha mona-mona lanae, loto auba bito ya ha mona-mona lomo uwae.

Nuba minato, haita nola ma okulumauti asi naba-naba fu-fu libo nola yaidana oto libo ya numugu yau amedoti minabo muki ya holiyae. Holiyato, idafa ma so huluma yaidana oto oloto pito idafawa ya poni-poni loto wenina numugu minabo muki ya utinalo lumiye. Utinalo lumito, ido muki ya Weuna Fele yakafo mino betito lutina-hatinau faitoto, lowa-lawa ha mona-mona lanae, loto auba bito ya ha mona-mona lomo uwae.

Hona moloti biti, lutina-hatina mako molabo ya hamena-hamena fele huliyagi numuna naba hilalau yau maina uti nuba o-o minae. Nuba oti minoti, numunatinau-numunatinau wetina-idafa ido mono hobina ya hona moloti no-no minoti, lutinau ake iti hatinau mako moloti, Goti ebola lomuwato, wenina muki ya wa beti dowa moloti wa beti minae. Feti minato, hamena-hamena ya Wenabakafo nuba minagu yau li nomudina waibo wenina ya li homi i betiye.

Gotikafo feto libo, Hamena naba alili anaibo hamenalo Weune ya wenina muki mona-mona ya biyoto, hipatina-mota ido olutina-mota hane lo oloto molanigilae. Ido hemotina we hofawetina ya wamo yaidana oti ya wanigilae. Ido we kilofo-akilofo yagi wamo hula wanigilae.

Ido holi hikitabo wenina lutina-hatina mako moloti, idafa-adafatina li mako oti li minae. Yagunu mikatina ido huwamenatina magi hefanalo fuloti hefana liti wenina idafagunu wita abo wenina hona moloti biyae.

Ido Wenaba huliyalo sula finabo wenina muki ya li nomudina wanaibo ne, loto ha mono lufuwau (Jol 2:28-32) ya nebo ne.

Itibinobo ya fo ladámoto ido igana ya li lunu yaidana luta lanogolaiye. Feito lanaido yalo ya Wenaba hamenala naba ido lamenala ya oloto pinaibo ne.