Ayat Alkitab yang Popular daripada Epesas 5

Kongsi

Anutu kɨtya xam nêm nipaên vêl dɨ xêyaa vin lec xam, dɨ xam tu i nue. Om a nêl vô xam bêga bê xam tɨmu vô môp wê Anutu hɨlung vô xam ge, dɨ xam tɨmu vô môp xêyaa vin lec maên i tɨyi xocbê Kɨlisi wê xêyaa vin lec il om yib ên il nêd nipaên ge. Kɨlisi vông ici va tu daa wê Anutu yê nivɨha ge, tɨyi xocbê ilage xomxo si daa wê nivɨvea nivɨha ge ên nêb Anutu i yê nivɨha.

Om xam viac xam ên môp wê xam tɨmu vô ge, dɨ xam o lêc dô i tɨyi xomxo wê lungên Anutu ge lêm. Nge, xam dô i tɨyi xocbê xomxo wê xovô Anutu ge, dɨ xam xovô môp nivɨha wê Anutu vông ge i tɨyi buc vɨhati, dɨ xam o sea buc ti i yêp vɨdaaên lêm, ên buc gwêbaga il dô vac vɨyin.

Le i lêc num mia xêkɨzêc dɨ i vông xam pɨyôp i vô yacyac lêm, ên môp tibêge ob vông xam vô nipaên. Om xam sea môp tibêge dɨ lam dô vac Myakɨlôhô Ngɨbua kwa ngɨbi ên i hɨvun xam xôn. Om kɨyang wê xam keac vôma ge, xam keac dɨ vông lɨlo wê pɨmilên Anutu ge, hɨxôn lɨlo daa, dɨ lɨlo wê Myakɨlôhô Ngɨbua vông vô xam ge, dɨ xam vông lɨlo vô Apumtau vac myam dɨ vông vac nɨlôm hɨxôn, dɨ i tɨyi buc vɨhati xam pɨmil Anutu lec il lig Apumtau Yesu Kɨlisi lê ên vɨyin yuu nivɨha vɨhati wê val vô xam ge.

Mêgem xam o dô i tɨyi xocbê xomxo wê pɨyôp maên ge lêm. Nge, xam xovô môp wê Anutu vông vô xam ên nêb xam tɨmu vô ge.

Xam vux, xam xêmyaa i vin lec vɨnême i tɨyi xocbê Kɨlisi xêyaa vin lec il xomxo vông vinên vɨhati, om lam yib lec il nêd nipaên

ên ilage xam dô vac mapɨtoc, lêc gwêbaga xam tu Apumtau nue, om xam dô vac xêseac. Mêgem xam tɨmu vô môp wê xomxo xêseac vông ge

Xam pɨmil Kɨlisi dɨ kô i lec, dɨ xam loc dô vac lime vông vinên kwa ngɨbi i tɨyi xocbê môp wê Kɨlisi hɨlung vô xam ge.

Xam vêx, xam ngô kɨyang wê lɨyame nêl ge dɨ loc vac he kwa ngɨbi i tɨyi xocbê xam ngô Anutu kɨyang dɨ la vac i kwa ngɨbi ge

Dɨ ngwe nêl lec môp wê vêx hɨxôn vux iimaên ge, om xam vux, xam toto xêmyaa i vin lec vɨnême i tɨyi xocbê xam xêmyaa vin lec xacxam va nimnɨvi ge. Dɨ xam vêx, xam pɨmil lɨyame lê dɨ kô he lec.

Kɨyang yêp vac xolac bêga nêbê, “Mêgem vux ti obêc kô vêx ge od ob sea ta yuu ma dɨ la dô hɨxôn vɨnê, dɨ yuu ob tu nôn tibed.”

Xomxo wê mi dô vac mapɨtoc ge, he mi tɨmu vô môp wê ob vô nôn nivɨha lêm ge, om le i lêc tɨmu vô he lêm. Nge, xam nêl he nên nipaên kɨtong vô he.