Ayat Alkitab yang Popular daripada یارادیلیش 49

Kongsi

پادشاهلیق عصاصی یهودادان گتمَیه‌جک، حؤکمدارلیق عصاصی اونون نسلئندن ائتمَیه‌جک؛ او واختا قدر کی عصانین صاحئبی گلسئن. او واخت خالقلار اوندان ائطاعت اده‌جکلر.

یوسئف بارلی بئر آغاج، چشمه قیراغیندا میوه‌لی بئر آغاجدیر، بوداقلاری دووارین اوستوندن آشار. اوخچولار اونا گوجلو هوجوم اتدئلر، دوشمنچئلئک ادئب اوستونه اوخ یاغدیردیلار.

آمّا یعقوبون قووّتلی تاریسی اَلئندن، (کی، چوبان و ائسرایئلئن قایاسی اوراداندیر) اونون کامانی مؤحکم، قوللاری قووّتلی اولدو. سنه کؤمک ادن، آتانین تاریسی‌دیر، سنه برکت ورن، قادئری‌موطلقدئر. یوخاریدا گؤیلرئن برکتلری ائله، درئنلئکده اولان سو منبعلرئنئن برکتی ائله، دؤشلرئن و بطنلرئن برکتی ائله سنه برکت وره‌جک.

ای یهودا، قارداشلارین سنی مدح اده‌جکلر، اَلئن دوشمنلرئنئن بوینوندا اولاجاق، آتانین اوغوللاری، حوضوروندا سجده اده‌جکلر. یهودا بئر آصلان بالاسی‌دیر، ای اوغلوم، شئکاردان دؤنوب بئر شئر کئمی یِره اَیئلئرسن، دئشی آصلان کئمی تورپاغا یاتیرسان. کئم سنی یرئندن قالدیرا بئلر؟

ای رِعوبئن، ائلک اوغلوم، گوجومون و قودرتئمئن منبعی سنسن. لیاقتئن هامیدان اوستوندور، قووّتئن هامیدان چوخدور. آمّا او سو کئمی اویناقدیر، آرتیق اوستون اولمایاجاقسان. چونکی آتا یاتاغینی نجئس ادئب، اورایا چیخدین.