1
Pakeke 2:38
Mangseng
mhb
Ma Pita i ria or ve, “Thomu omole omole aro kimomu lelalpot lomu vothung kerenga na o el paninuong nge a Jisas Krais iion. Maken God aro ilemi simikal lomu vothung kerenga. Naro i sungu ol Ioni Riringa a thomu nge.
2
Pakeke 2:42
Ma o engeng nge pakekere ole riong nongpolnga, na nge ole men pathunong, na nge ole an tomoing nge bret ako o rek rek i, na nge ole nongong.
3
Pakeke 2:4
God Ioni Riringa i vual a or omole omole nge ma o ri nge keiong rel relnga ako God Ioni Riringa i pavelpolpot i a owo.
4
Pakeke 2:2-4
O men na a ur e avele na o nongpol ur ako i avvuv ranga ve ini thue aolonga ako i ru a Pen a Urvet me, ma i pavual vel ako ru o men nge. Ma o thopol ur ako i ranga ve ini won sesenga annga ma i metheru ma i vugir or omole omole. God Ioni Riringa i vual a or omole omole nge ma o ri nge keiong rel relnga ako God Ioni Riringa i pavelpolpot i a owo.
5
Pakeke 2:46-47
Nge nang elonga o es tomo e pel a Lotu Tepun a Vel. Ma o es a ole vel omole omole ma o an tomo nge bret ako o rek rek i. Ma olemi i ngo pis ma o vual nge lemi sivengaing. Evelelnga o risea a God iion. Ma toko na seng olemi sivenga ol nge or. Nge nang elonga God i ela mun toko na seng areko i pamimi or ma i rong esa mun toko lemioongare oa titaling nge la.
6
Pakeke 2:17
“‘God i ri vene: Toth nge nang patopalalnga aro tho paru Onik Riringa a toko na sengre nge. Mo aro tutumuere o ripot lek riong. Na lomu kulpopoere aro o thopol pathengaling rel relnga. Na lomu toloklokere aro o thopol oni theongre.
7
Pakeke 2:44-45
Ma toko lemioongare o men pathunal pel nge nang elonga. Na ole ur elonga ake ini or vusnga oa ol. Ma aro o sungpot ole ulue na ole ur elonga nge toko e ako mo i ol i, ma o el umtun nge ma o thomreu umtun aken nge tokokoe areko o poor nge ur elonga.
8
Pakeke 2:21
Naro toko na seng areko o avav a Toko Pomnga iion, aro God i pamimi or.’ “Na i velpol ranga ve ako God ile riong elnga nomenganga a Joel, i ritet nge.
9
Pakeke 2:20
Nang theki aro i eksingu mo ia mideng naro ngov i eksingu mo i selele ranga ve ini mla. Panen aro Toko Pomnga ile nang i velpol. Na ile nang aken i aolonga rintet na ini nang ako ini pakukukonga.