Ayat Alkitab yang Popular daripada Loma 4

Kongsi

Cina hemisaina geya 'iguipaile, ma hesiyage Yehoba 'ina gwae hemisa 'i'abiyahi momosiya, ta 'ina hemisaina 'ihewaiwaiya ma 'ihepwatu Yehoba 'oina. Weyahina 'isanapuya moisa Yehoba sowasowahina 'ina gwae hemisaedi 'ipaihowadi.

Gidemusa Yehoba 'ina Buki 'oina 'igwaeya, “Cowa yahesani pwaigowa 'abehega 'asa mabwaiyadi tamadiu.” Ta Ebalahamo 'ina hemisa 'ilaguya Yehoba 'ina gwae hemisaina 'oina, tauna Yehobaina sowasowahina to'amasa 'i'abihe toholohiladi, ma weteyage to'aha geya sida 'elomasaleha sowasowahina 'igwae ma si'elomasaleha.

Tauda tuwa 'ida pui weyahina Yesu 'i'amasa, ma Yehoba 'i'abihetoholo hileya, ta beno 'oinega 'ideuligita ma 'i'ahwa dumwaluwegita.

Ma Ebalahamo 'inuwatuhu yahiya madouna gwae hemisaina 'abehega tauna 'asa mabwaiyadi tamadiu, ma 'abehega tuta 'inaonaoma 'abwa 'ilatu gide, ma bwagana tuta gala hedadena 'ilobeya tuwa 'i'alama'i'itana, weyahina bewa gide Yehoba 'ihegwae 'eseya, “Cabwa muliyetega tubumwao baibaiwadi silatu.”

Bewa 'oinega tasanapu 'abehega hemisa tuwa 'oinega gwae hemisaina 'ana bwebwe'ana 'abwa taloba. Ma bewa Yehobaina 'ina helau tuwa ma geya 'abehega 'ida paihowa 'ana maisa. Ta gwaehemisaina Ebalahamo tubunao mabwaiyada talobeya, geya 'abehega loina 'ana toguibigao siboidimo, ma weteyage taiyewedi 'idi hemisa gide Ebalahamo 'ina hemisa ee taloba. Ebalahamoina tauna gide mabwaiyada tamadai.

'igwaeya, “Toyaliyaya moisa taudi 'eguma 'idi puiyao Yehoba 'inuwasamudi ma 'ideulidi. Ma nata geya wete 'i'ahwa'ahwa galagalaedi.”

Ma Yehoba 'ina Buki gide 'igwaeya, 'igwae, “Ebalahamo Yehoba 'ihemisaeya, bewa weyahina Yehoba 'ahwa bwebwe'ana Ebalahamo 'i'ebwaeya.”