Kumam Old Testament

<div class="version vid2676 iso6393kdi" data-vid="2676" data-iso6393="kdi">
 <div class="book bkGEN">
 <div class="chapter ch1" data-usfm="GEN.1">
 <div class="label">1</div><div class="s1">Epone kame Kocweo kede Piny</div><div class="p"> 1I agege kakame Rubanga ocweo kede malo kede lobo, 2lobo oudo onyobere atatai abongo gimoro iye, doko colo oudo oumo pii atut, di yamo kame buko wok kibut Rubanga oudo beo ki wi pii. 3#2 Jokorinti 4.6Di Rubanga oko waco be, &#8220;Poore lero bed tie&#8221;; di lero oko bedo tie. 4Di Rubanga oko neno be lero oudo ber; di en eko poko lero kede colo. 5Rubanga oko lwongo lero be &#8220;Iceng&#8221; di eko lwongo colo be &#8220;Iwor.&#8221; Piny oko yuto, odiko oko tuno, manono oko bedo ceng me agege.</div><div class="p"> 6Rubanga oko waco be, &#8220;Gi koyarere miero bed tie i diere me pii, di eko poko pii kede pii.&#8221; 7Aso, Rubanga oko cweno gi koyarere di eko poko pii atie piny me gi koyarere nono kede pii kame tie malo mere. Eko timere kamanono. 8Rubanga oko lwongo gi koyarere nono be &#8220;Edou.&#8221; Piny oko yuto, odiko oko tuno, manono oko bedo ceng me are.</div><div class="p"> 9Rubanga oko waco be poore pii atie piny me edou cokere karacel di lobo kakotuo ko neno. Eko timere kamanono. 10Rubanga oko lwongo kakotuo be &#8220;Lobo&#8221; di eko lwongo pii kocokere karacel be &#8220;Name.&#8221; Rubanga oko neno be oudo eber. 11Rubanga oko waco be, &#8220;Lobo poore tui yen kede lum: giapita kame nyako nyige kede kame nyako anyakini me epone dedede kame nyige tie iye.&#8221; Eko timere kamanono. 12Yen oko tui i lobo, giapita me epone dedede kede yen kame nyako anyakini kame tie kede nyige. Di Rubanga oko neno be manono oudo ber. 13Piny oko yuto, odiko oko tuno, manono oko bedo ceng me adek.</div><div class="p"> 14Di Rubanga oko waco be, &#8220;Poore gimogo arieny bed tie i edou koyarere pi poko iceng kede iwor; doko miero kibed gianena kame nyuto kare kede ceng kede mwakini, 15doko miero gin kibed lero kame tie i edou koyarere pi mino lero i lobo.&#8221; Eko timere kamanono. 16Rubanga oko timo gikame rieny are adongodongo; en eko keto gikame rieny adwong kalamo pi pugo iceng, kede gikame rieny momot mere pi pugo iwor; eko timo acerin da. 17Rubanga oko keto gi i edou koyarere pi mino lero i lobo; 18pi pugo iceng kede iwor, kede pi poko lero kede colo. Rubanga oko neno be oudo eber. 19Piny oko yuto, odiko oko tuno, manono oko bedo ceng me ongwon.</div><div class="p"> 20Di Rubanga oko waco be, &#8220;Pii miero bed tie kede gi atot akuo, kede da winy kame por i malo bed tie i wi lobo.&#8221; 21Aso, Rubanga oko cweno leini adongodongo kame bedo i name, kede giakuo me egere dedede kame twero ot, kame oko pong i yi pii, kede winy me egere dedede kame tie kede bwom gi. Rubanga oko neno be manono oudo ber. 22Rubanga oko lamo negi winyo di ewaco be, &#8220;Nywalunu ikounu nyai ipongunu pie me name, kede winy da nyai i wi lobo.&#8221; 23Piny oko yuto, odiko oko tuno, manono oko bedo ceng me kany.</div><div class="p"> 24Rubanga oko waco be, &#8220;Lobo miero bed tie kede gikame kuo me egere dedede: dok kede gikame liao alia, kede leini me obar me egere dedede kame tie i wi lobo.&#8221; Eko timere kamanono. 25Rubanga oko cweno leini me obar me egere dedede kame tie i wi lobo, kede dok me egere dedede, kede gi dedede me egere apapat kame liao alia i piny. Rubanga oko neno be manono oudo ber.</div><div class="p"> 26 # 
 1 Jokorinti 11.7
 Di Rubanga oko waco be, &#8220;Otimunu dano i cal wa; doko miero gin kibed kede loc i kom deknam, kede i kom winy me wi yamo, kede i kom doke, kede i kom leini me obar dedede kame tie i wi lobo, kede jame me egere dedede kame liao alia i piny.&#8221; 27#Matayo 19.4; Marako 10.6#Ageini 5.1-2Aso, Rubanga oko cweno dano, ecweo gi i cal mere ka Rubanga; ecweo gi icuo kede dako. 28Rubanga oko lamo negi winyo, di eko waco negi be, &#8220;Nywalunu ikounu nyai, di ikounu pongo lobo, ipugenu da; bedunu kede loc i kom deknam kede i kom winy me wi yamo, kede i kom giakuo dedede kame twero ot i wi lobo. 29Ango atieko mino wu giapita dedede kame nyako nyige kame tie i wi lobo, kede yen dedede kame tie kede nyige i anyakini gi; ibinunu camo gi. 30Do leini dedede kame tie i wi lobo, kede winy dedede kame tie i wi yamo, kede jamini dedede kame liao alia i wi lobo, kede gi dedede kame tie kede wei me kuo, atieko mino gi egere me pote dedede me acama gi.&#8221; Eko timere kamanono. 31Rubanga oko neno gi dedede kame oudo etieko timo, i ateni oudo kibeco twatwal. Piny oko yuto odiko oko tuno, manono oko bedo ceng me kanyape.</div>
 </div>
 </div>
</div>

Baibuli I Leb Kumam © Bible Society of Uganda, 2013.

I agege kakame Rubanga ocweo kede malo kede lobo, lobo oudo onyobere atatai abongo gimoro iye, doko colo oudo oumo pii atut, di yamo kame buko wok kibut Rubanga oudo beo ki wi pii. Di Rubanga oko waco be, “Poore lero bed tie”; di lero oko bedo tie. Di Rubanga oko neno be lero oudo ber; di en eko poko lero kede colo. Rubanga oko lwongo lero be “Iceng” di eko lwongo colo be “Iwor.” Piny oko yuto, odiko oko tuno, manono oko bedo ceng me agege.
Rubanga oko waco be, “Gi koyarere miero bed tie i diere me pii, di eko poko pii kede pii.” Aso, Rubanga oko cweno gi koyarere di eko poko pii atie piny me gi koyarere nono kede pii kame tie malo mere. Eko timere kamanono. Rubanga oko lwongo gi koyarere nono be “Edou.” Piny oko yuto, odiko oko tuno, manono oko bedo ceng me are.
Rubanga oko waco be poore pii atie piny me edou cokere karacel di lobo kakotuo ko neno. Eko timere kamanono. Rubanga oko lwongo kakotuo be “Lobo” di eko lwongo pii kocokere karacel be “Name.” Rubanga oko neno be oudo eber. Rubanga oko waco be, “Lobo poore tui yen kede lum: giapita kame nyako nyige kede kame nyako anyakini me epone dedede kame nyige tie iye.” Eko timere kamanono. Yen oko tui i lobo, giapita me epone dedede kede yen kame nyako anyakini kame tie kede nyige. Di Rubanga oko neno be manono oudo ber. Piny oko yuto, odiko oko tuno, manono oko bedo ceng me adek.
Di Rubanga oko waco be, “Poore gimogo arieny bed tie i edou koyarere pi poko iceng kede iwor; doko miero kibed gianena kame nyuto kare kede ceng kede mwakini, doko miero gin kibed lero kame tie i edou koyarere pi mino lero i lobo.” Eko timere kamanono. Rubanga oko timo gikame rieny are adongodongo; en eko keto gikame rieny adwong kalamo pi pugo iceng, kede gikame rieny momot mere pi pugo iwor; eko timo acerin da. Rubanga oko keto gi i edou koyarere pi mino lero i lobo; pi pugo iceng kede iwor, kede pi poko lero kede colo. Rubanga oko neno be oudo eber. Piny oko yuto, odiko oko tuno, manono oko bedo ceng me ongwon.
Di Rubanga oko waco be, “Pii miero bed tie kede gi atot akuo, kede da winy kame por i malo bed tie i wi lobo.” Aso, Rubanga oko cweno leini adongodongo kame bedo i name, kede giakuo me egere dedede kame twero ot, kame oko pong i yi pii, kede winy me egere dedede kame tie kede bwom gi. Rubanga oko neno be manono oudo ber. Rubanga oko lamo negi winyo di ewaco be, “Nywalunu ikounu nyai ipongunu pie me name, kede winy da nyai i wi lobo.” Piny oko yuto, odiko oko tuno, manono oko bedo ceng me kany.
Rubanga oko waco be, “Lobo miero bed tie kede gikame kuo me egere dedede: dok kede gikame liao alia, kede leini me obar me egere dedede kame tie i wi lobo.” Eko timere kamanono. Rubanga oko cweno leini me obar me egere dedede kame tie i wi lobo, kede dok me egere dedede, kede gi dedede me egere apapat kame liao alia i piny. Rubanga oko neno be manono oudo ber.
Di Rubanga oko waco be, “Otimunu dano i cal wa; doko miero gin kibed kede loc i kom deknam, kede i kom winy me wi yamo, kede i kom doke, kede i kom leini me obar dedede kame tie i wi lobo, kede jame me egere dedede kame liao alia i piny.” Aso, Rubanga oko cweno dano, ecweo gi i cal mere ka Rubanga; ecweo gi icuo kede dako. Rubanga oko lamo negi winyo, di eko waco negi be, “Nywalunu ikounu nyai, di ikounu pongo lobo, ipugenu da; bedunu kede loc i kom deknam kede i kom winy me wi yamo, kede i kom giakuo dedede kame twero ot i wi lobo. Ango atieko mino wu giapita dedede kame nyako nyige kame tie i wi lobo, kede yen dedede kame tie kede nyige i anyakini gi; ibinunu camo gi. Do leini dedede kame tie i wi lobo, kede winy dedede kame tie i wi yamo, kede jamini dedede kame liao alia i wi lobo, kede gi dedede kame tie kede wei me kuo, atieko mino gi egere me pote dedede me acama gi.” Eko timere kamanono. Rubanga oko neno gi dedede kame oudo etieko timo, i ateni oudo kibeco twatwal. Piny oko yuto odiko oko tuno, manono oko bedo ceng me kanyape.

Dengar Ageini 1