Matäus 24 मधील लोकप्रिय बायबल वचने

सामायिक करा

Un wiels de Gottloosichkjeit woat äwahaunt nämen, woat de Leew bie väle Menschen kolt woaren. Oba wäa bat aum Enj uthelt, woat jerat woaren.

Un daut Evangelium von Gott sien Rikj woat en de gaunze Welt jeprädicht woaren, soo daut aule Velkja daut hieren, un dan woat daut Enj komen.

Un jie woaren von Kjrich un Kjrichsjeschrech hieren; oba doawäajen siet nich too oppjeräacht. Wiels dit mott aula passieren; oba daut Enj es noch nich doa.

Wiels een Volkj woat jäajen daut aundre oppstonen, un een Kjennichrikj jäajen daut aundre. Un doa woaren opp veschiedne Städen Pestilenz, Hungaschnoot un Ieedbäben sennen. Dit es aula noch mau de Aunfank von de lieden.

Himmel un Ieed woaren vegonen, oba miene Wieed woaren nich vegonen.

wiels doa woaren väle en mienen Nomen komen un sajen: Ekj sie Christus, un dee woaren väle veleiden.

Un dan woaren see junt en daut Älent steeten un junt doot moaken. Un wiels jie junt to mienen Nomen bekjanen, woaren junt aule Velkja nich lieden kjennen. Un dan woaren sikj väle oajren, un sikj unjarenaunda veroden un sikj unjarenaunda nich lieden kjennen. Un doa woaren väl faulsche Profeeten oppstonen, un väle veleiden.

Un Jesus säd to an: Paust opp, daut junt kjeena veleiden deit

Doawäajen mott jie uk reed sennen! Wiels de Menschensän kjemt to eene Stund, wan jie nich doamet räakjnen.

Woakt; wiels jie weeten nich woon Dach jun Har komen woat.

Oba wanea dee Dach ooda dee Stund sennen woat, weet kjeena, nich emol de Enjel em Himmel, uk nich de Sän. Daut weet bloos de Voda.

Wiels doa woaren faulsche Christussen un faulsche Profeeten oppstonen un groote Tieekjens un Wunda doonen, soo daut see, wan mäajlich, soogoa de utjewälde veleiden.

Soo aus daut to Noah siene Tiet wia, woat daut uk sennen wan de Menschensän komen woat. Soo aus daut dan wia ea daut groote Wota kjeem – see eeten un drunken, see frieden un befrieden sikj, bat aun dän Dach, aus Noah en daut Schepp nenn jinkj un see daut nich wisten, bat daut Wota kjeem un an aula metreet, – soo woat daut uk sennen, wan de Menschensän komen woat.