1 Piɛrə 2 मधील लोकप्रिय बायबल वचने

सामायिक करा

Nɛ seḭ lé seḭ toje ginkoji dəwje gə́ Ala mbər sí ləm, seḭje toje njékinjanéməsje gə́ gin sí to gə́ mbai ləm, seḭ toje ginkoji dəwje gə́ toje gə kəmee ɓəd ləma, seḭ toje ka̰ Ala nja doŋgɔ doi ləm tɔ mba kar sí ilaje ne riɓar dɔ yeḛ gə́ ɔr sí dan loondul gə́ ndul njudu-njudu’g unda sí dan lookàr’g ləa gə́ àr raŋg-raŋg lé.

Yeḛ nja ɓa odo kaiyaje lə sí ɔm dəa’g aw ne kaar kag’d mba kar sí j’oo rɔ sí gə́ yoo-dəwje dɔ kaiya’g lə sí ɓa j’isi ne kəmba dɔ néra gə́ ka̰ meekarabasur lé. Dooje gə́ yeḛ iŋga lé gə́ kuma̰ kar ta doo lə sí ər ne kəmsə. Kédé lé seḭ toje asəna gə badje gə́ d’aw kori-kori bèe, nɛ ɓasinè seḭ telje gə́ rɔ njekul sí’g ləm, gə rɔ njekaa dɔ sí’g ləm tɔ.

Seḭ lé kédé seḭ toje dəwje el, nɛ ɓasinè seḭ toje dəwje lə Ala lé. Kédé lé seḭ gərje meekɔrjol lə Ala el nɛ ɓasinè mée oso lemsé dɔ sí’g ya.

To gə́ ŋgur kil mbà ra ŋganje gə́ kas ŋgwɔd-ŋgwɔd lé maji kar ŋgur kankəmta ra sí togə́bè tɔ, mba kar sí raje ne tɔg gə́ kédé-kédé dɔ kaji’g

Seḭ gə́ ma m’unda sí dan kəm’g gə́ awje dɔ naŋg nee asəna gə mbáje ləm, gə njédə̰tarje ləm tɔ lé ma m’ndəji sí mba kar sí ɔgje rɔ sí dɔ mal né gə́ ka̰ darɔ gə́ rɔ gə meḛ sí lé. Njaaje gə́ majee dan njépole-magəje’g mba kar deḛ gə́ d’oo sí gə́ njéra majelje d’im sí ne lé ndá d’a koo néra maji lə sí ɓa d’a kula ne rɔnduba dɔ Ala’g mee ndəa gə́ yeḛ a teḛ dɔ sí’g ɓəi.

Seḭje kara toje asəna gə mbalje gə́ to kəmba gə́ d’odo sí rɔd sí dɔ na̰’g mba ra ne kankəm kəi gə́ ka̰ Ndil lé ləm, kar sí toje njékinjanéməsje gə́ d’unda sí gə kəmee mba kar sí unje nékinjaməs gə́ ka̰ ndil lé gə ri Jeju Kristi gə́ a taa kəm Ala rəgm lé ləm tɔ.

Bèe ndá meeyèrje gə́ ɓəd-ɓəd ləm, gə gosɔyèr gə́ ɓəd-ɓəd ləm, gə meekas gə́ ria-ria ləm, gə kəmkəḭ ləma, gə ta gə́ tədje ləm tɔ lé uba deeje ya̰ deeje.

Yeḛ gə́ to mbal gə́ to kəmba lé awje pər gə́ rəa’g, dəwje mbadee ya nɛ Ala ɔree ée gə́ né gə́ to gə́ ŋgonkəmee.

Seḭ gə́ toje ŋgankojije lé arje ŋgonkoji lə sí to kubu kon dɔ némeeyèr el nɛ arje néra sí wa bua kuraje lə Ala ya.

Raje maji ɓa gə mba kudu ne ta gə́ sin lə mbəje, yee ɓa mee Ala ndigi togə́bè ya.