Pahayag 12 मधील लोकप्रिय बायबल वचने

सामायिक करा

Tinalo de u Diyablo tu pamamag-itan nu dige nu Tupa, sakay tu upos nu Diyos a impahayag de sakay awan hide nanghinayang tu biyag de maski hanggan tu kákkatay.

Sakay nasaneg ko u mabegsák a boses a gábwat ti langet, kinagi na, “Dimmemát dán u págligtas nu Diyos tam! Impeta na dán u kapangyariyan na bilang hare! Sakay impeta dán ni Cristo u karapatan na a mamuno! Dipo napalayas dán ti langet u mángkákkaso ti aldew ay ti gibi tu kákkapatkákka tam.

U dragon, a dáddulawán be a biklat tu itod a panahun, u ngahan na ay Diyablo oni Satanas. Siya u nangdaya ti buuwáy a mundu. Imbut siya ti munduway, kaguman u nasakupan na hide.

Kaya magsaya kam, hikam a mágyan ti langet! Pero makaánteng i danasán moyay, hikam a mágyan tu luta sakay tu diget! Dipo u matindi a iyamut nu Diyablo ay meangay nikam. Dipo tukoy na a awan dán siya magmalay.”

Káttapos ni itod ay nagkahod ti gera ti langet! Di Arkanghel Miguel sakay u anghel na hide ay nákpaglaban tu dragon sakay tu nasakupan na hide.

Dipo tu iyamut nu dragon ay binalingan na a geraán u nabuhay a lahe nu bábbey. Iye u tolay hide a sumássunud tu utus nu Diyos sakay nagtulos-tulos a nagin tapat tu tatahoden a inhayag ni Jesus.

Nadid, káttapos ni iye ay tehhod a limmitaw ti langet a makataka-taka a senyal: essa a bábbey a nabaduwan ti aldew sakay gumággemmak tu bulan; sakay tehhod a kurona a sapulo ay ti duwwa a biton. Paghilaban dán siya kaya mamákhaw tu saket a bábbatiyán na.

Nagenak u bábbey ti lállake a anak, pero tehhod a nangagew tu anak sakay inyangay na tu Diyos, tu trono na. Iye a anak u netakda a maghare tu atanan a bansa tu pamamag-itan nu sahukod a bakal. Sakay u bábbey ay gimminan tu parang, tu lugar a inhanda nu Diyos para nikuna. Para maalagaan siya hod tu alay nu essa a libu sakay duwwadatos ay ti ánnam a pulo a aldew.

Sakay tehhod pa a essa a senyal a limmitaw ti langet: essa a dragon a madideg. Tehhod siya a pitto a ulo sakay sapulo a saduk sakay tehhod a kurona u bawat ulo na. Kinahed nu ipos na u katállo a parte nu biton hide ti langet sakay insapwag na itod ti lutaáy. Káttapos ay timmaknág siya tu áoyadan nu bábbey a adene dán a magenak tánni itálmok na u anak tu kálluwas na.

Pero naatádden u bábbey ti pakpak a konna tu dakál a agila tánni makaegbáh a patamo tu parang. Hod siya a alagaan tu alay nu tállo a taon ay ti kalahate tánni awan siya maaánya nu biklat. Kanya náng-obla ti dinom u biklat a konna tu konayan tánni meanod u bábbey. Pero ginumángngak u luta sakay sinánghop u dinom a inyobla nu dragon kaya naligtas u bábbey.