Pahayag 13 मधील लोकप्रिय बायबल वचने

सामायिक करा

Kailangan he u karunungan. Matukuyan nu makaintendi u kahulugan nu nomiro a katumbas nu ngahan nu makaánteng a hayup, dipo ngahan iye nu essa a lállake. U nomiro ay 666.

Sakay u atanan a tolay a katoy ti lutaáy ay sumamba nikuna, puwera la tu tolay hide a nakasulat u ngahan de tu libro nu biyag sapul pa nikuna a lalangán i munduway. I libruwan iye ay táttawed nu Tupa a binuno.

Sapilitan a pinatatak nu kaduwwa a makaánteng a hayup u kawanan a kamát oni kidáp nu atanan a tolay. Mataas man oni mababa, mayaman man oni mahirap, alipin man oni malaya. Dipo ti iye, awan ti makabale oni makapaglako maliban la ni tehhod a tatak nu ngahan nu makaánteng a hayup, oni nomiro a katumbas nu ngahan na.

Ni deyaman u netakda a madakáp ay sadya a madakáp; sakay ni deyaman u netakda a matay ti áttak ay sadya a matay ti áttak. Kaya kailangan a magpakatatag sakay manalig u pinile hide nu Diyos.”

Nadid, naketaák ti makaánteng a hayup a immawas tu diget, tehhod siya a pitto a ulo sakay sapulo a saduk. Tehhod a kurona u bawat saduk, sakay tu bawat ulo ay te nakasulat a ngahan a mang-insulto tu Diyos.

Pinayagan be siya a geraán sakay taluwán u pinile hide nu Diyos. Sakay inatádden siya ti kapangyariyan a mamuno tu atanan a tolay ti munduwáy, tu bawat lahe, banuwan, upos sakay bansa.

Sakay dipo tu makataka-taka hide a impagimet nikuna nu purumero a makaánteng a hayup ay nalinlang na u katolayan. Inutusan na u katolayan a maggimet ti rebulto nu purumero a makaánteng a hayup, a natalinguwan ti áttak pero nabiyag pade. Pinayagan u kaduwwa a makaánteng a hayup a atádden ti biyag u rebulto nu purumero a makaánteng a hayup. Kaya nakapagupos u rebulto, sakay pinabuno na u atanan nu awan hide sumamba nikuna.

U hayup a netan ko ay kumán a idsura ni leopardo, u tika-tikád na ay kumán a tikád ni oso sakay u labi na ay kumán a labi ni liyon. Inyatád nu dragon nikuna u kapangyariyan na, u trono na, sakay u malawak na a karapatan a mamuno.

Pinayagan a maghambug u makaánteng a hayup sakay makapag-insulto tu Diyos, sakay maghare tu alay nu áppat a pulo ay ti duwwa a bulan.

U essa tu ulo hide nu makaánteng a hayup ay tehhod a talingo a ngahe-ngahe na dán a katayan, pero nagpiyya itod. Kanya himmanga u atanan a tolay ti munduwáy tu nangyare kaya simmunud hide nikuna.

Sakay naketaák dámman ti essa pa a makaánteng a hayup a limmitaw tu luta. Tehhod iye a duwwa a saduk a konna tu saduk nu tupa, pero u boses na ay kumán a boses nu dragon. Ginamit na u atanan a kapangyariyan nu purumero a makaánteng a hayup tánni ipatupad u kagustuwan na hide. U atanan a tolay ti munduwáy ay pinilit na a sumamba tu purumero a makaánteng a hayup a natalinguwan pero nagpiyya.