MARKU 10 मधील लोकप्रिय बायबल वचने

सामायिक करा

Pe"mung:ga"re Byu: Yao: Zo: lhao" re: su re yam" zo: nae" qhid' mae" joe" li" ru mangad:- su re caung da" nae" we' byu myo: sho' re khyad' yu nae" qhid' mae" yao" kao so' re byid' pye' nae"- ga: joe" li" ru angad:- ga: ta" ra".

Yesu yao: bam re tau: qu" mung: Aiwa byu: yang magai: boe"- ngadqere: Mao"So wa gai: boe" ra"- Mao"So wa ja: khao: ngo" re qo" boe" ra"- ga: ta" ra".

Yesu yao: re- Su" lo" wa,- ni" lam khug: myid wa nao re gai nhao: ava"- ga: ta" ra". Ailao" jao"- myo, myao: lo mung: Yesu ye" lo" khyo thao mae cao" ye" lo" ra".

Airumung: Mao"So: yang zham" to" rure byu: yang dazai" kao: ge,- ga: ta" ra".

Yesu wa yao: re jhid'de; myid we' zhaug' qu" mung:- nao daja: ca" ashi"- nao lo" wa,- ni" jo,nho" jham re lo" aung: mung: myaung sho: mo, re gae byid: wa,- ailao" nao mug: khaung: mung"dan: mae jo,nho" qo" nae"- amung: nga" thao cao" la,- ga: ta" ra".

Yesu wa yao: re- ngo ni" qhid' mae" pe" kad' byid: nae" nao o: i? ga: myid' ra". Ailao" myo, jid wa Yesu re- Asang we"- nga" myo, re myao nhao la,- ga: ta" ra".

Naonhaung" gyo: mae kam" wa airu: magai: ngad- Naonhaung" mae" je: qi: nug: ra" yaug khag' ngadqere: yao: wa alhab' mo; daui daui yaug boe" ca".

Ngo naonhaung" re dang za: ta" ru wa Mao"So: Mung"dan: re zoshao we' dakhyo: makhae: yu: ra" yaug wa ai: khug khyo maqo" vao ye: nae"- ga: ta" ra".

Ngadqere: qhid' au: mae" mo, myo: sho' wa nhaung thao" khyo ngad: li" genae"- nhaung thao" mae" mo, myo: sho' kam" wa qhid' au: mae ngad: li" genae"- ga: ta" ra".

Ngadqere: sao qhid' maqhid phan" to" au: mae" Mao"So wa yauggai we' myiqe: re phan" to" ra". Airumung: yauggai wa yao: myhi" we' yao: pho" re to: co' mung: yao" yham sang myhi" we' yezam" khug: na: li" nae". Alao" yao: shid' zo: wa dagaung dasho: za: boe" lo genae". Yao: shid' zo: wa- shid' zo: mangad:- dayaug za: ngad: ra".